Түрээсийн орон сууцанд хамрагдахаар 3000 иргэн өргөдөл өгчээ

Өчигдөр аймгийн Засаг даргын зөвлөлийн хурлаар Орхон аймагт баригдаж байгаа ТОСК-ийн 315 айлын орон сууцанд иргэдийг хамруулах журмын төслийг хэлэлцүүлэхээр оруулж ирсэн. Энэ үеэр Орхон аймгийн Засаг дарга Д.БАТЛУТ иргэдээс ирүүлсэн өргөдлийн талаар мэдээлэл хийсэн. Тэрээр хэлэхдээ: Орхон аймгийн Засаг дарга Д.БАТЛУТ: Энэ өөрөө нилээн маргаан дагуулж мэдэхээр асуудал байгаа юм. Та бүхэн ойлгож л байгаа байх. Тоо хэмжээ нь 315 айл, өнөөдрийн байдлаар өргөдөл 3000 гарчихаад явж байгаа. Хүн болгон л үүнд орох тэмүүлэл, хүсэл эрмэлзэл байгаа.  Тэр бүхнийг бид бүрэн хангаж чадахгүй учраас аливаа асуудлыг эхнээс нь цэгцтэй, хуулийн хүрээнд, олон нийтэд мэдээллэсэн, бүх зүйл нь ойлгомжтой хэлбэрээр л зохион байгуулах нь зүйтэй гэж үзэж байна. гэсэн юм.