Харилцаа өөрчлөгдөхөд гэр бүлийн зөрчил, маргаан үүсдэг

 Залуу гэр бүлүүдийн харилцааг эерэг болгох, гэр бүлийн харилцааны сэтгэл зүйн мэдлэгийг нэмэгдүүлэх, хүүхдийн хүмүүжилд эцэг эх хэрхэн нөлөөлөх, тэднийг сэтгэлзүйн хувьд эрүүл хувь хүн болгон төлөвшүүлэх зорилготой ‘’ГЭР БҮЛИЙН БОЛОВСРОЛ ОЛГОХ’’ сургалт зохион байгуулагдлаа. Сургалт “Гэр бүл дахь хосын харилцаа”, ‘’Хүүхдийн нас сэтгэлзүйн онцлог, хүмүүжлийн эерэг арга’’ , “Өрхийн төсөв санхүүгээ зохистой удирдах”, ‘’Нөхөн үржихүйн эрүүл мэнд’’ сэдвийн хүрээнд явагдсан бөгөөд сургалтыг ГБХЗХГ-ын ЗХТ ажилтан сэтгэл судлаач Э.Бямбасүрэн, Цагдаагийн газрын Сэтгэлзүйч Д.Алтаншагай, Эрүүл мэндийн газрын өсвөр залуучуудын асуудал хариуцсан мэргэжилтэн Б.Хулан нар явууллаа.