Орхон аймгийн ХХААГ 2019-2020 оны өвөлжилтийн бэлэн байдлыг хангах төлөвлөгөөгөө Засаг даргын зөвлөлөөр батлууллаа. Төлөвлөгөөнд мал аж ахуйн салбарын 16, мал эмнэлгийн үйлчилгээний 5, газар тариалангийн 14, нийт 35 ажил тусгагджээ.  Тухайлбал аймаг, сумын аюулгүйн нөөцийн өвс , тэжээл бэлтгэх, бүс нутгийн онцлогт тохирсон    баталгаажсан үүлдэр омгийн мал сүрэг үржүүлэх, 2018 онд аймгийн нөөцөнд бэлтгэсэн өвс тэжээлийг зөв горимоор, шим тэжээл, чанар алдагдуулалгүй хадгалах гэх мэтчилэн тусгасан ажээ. Өнгөрөгч онд Орхон аймгийн аюулгүйн нөөцөд нийт 126.3 сая төгрөгийн зардлаар 20 тн өвс, 23 тн тэжээл бэлтгэсэн нь ашиглагдаагүй тул ийнхүү хадгалах горимд анхаарах шаардлага тулгараад буй. Одоогоор Орхон аймагт 2 сум, 4 багийн 1195 малчин, мал бүхий өрхийн 114.3 мянган толгой мал хаваржиж байгаагаас эх мал 55173, үүнээс 17647 нь төллөж, эндэгдэлгүй бойжиж байна.