Монгол улсын Ерөнхийлөгчийн зарлигаар төрийн одон, медаль болон аймаг орон нутгийн шагнал гардуулах ёслолын ажиллагаа өнөөдөр аймгийн ёслол хүндэтгэлийн өргөөнд боллоо.   Монгол цэргийн өдөр-Зэвсэгт хүчний 98 жилийн ой, Казак түмний Науризын баяр болон Олон Улсын эмэгтэйчүүдийн эрхийг хамгаалах өдрийг тохиолдуулан эрхэлсэн ажилдаа олон жил үр бүтээлтэй ажилласан хүмүүст төрийн одон, медаль, аймгийн шагналыг гардуулах Ёслолын ажиллагааг Орхон аймгийн ИТХ-ын дарга П.Пүрэвлхагва нээж үг хэлж, аймгийн засаг даргын орлогч А.Түвшинжаргалын хамт шагналыг гардуулан өглөө. Монгол улсын төрийн одон, медаль "Алтан гадас одон"-оор 4, “Шударга журам” медалиар 1 иргэн энгэрээ мялаалаа. Орхон аймгийн ИТХ-ын байгууллагын “Иргэний төлөө” медалиар 4, “Хүндэт жуух бичиг”-ээр 1 иргэн шагнагдсан бол Орхон аймгийн “Хүндэт тэмдэг”-ээр 7, аймгийн Засаг даргын Жуух бичгээр 3 иргэн шагнагдлаа. Төрийн дээд одон медалиар шагнагдсан иргэдийг тодруулбал Орхон аймгийн Баян-Өндөр сумын ахмад настан П.Эрдэнэчимэг, Ц.Нэргүй, "Хаш талст" шүдний эмнэлэгийн эрхлэгч Б.Мандах, Баян-Өндөр сумын иргэн Ц.Батчулуун нар алтангадас одонгоор, шударга журам медалиар Эрдэнэт үйлдвэрийн Спорт ордны дарга Ш.Даваахүү шагнагдлаа Ш.Даваахүү нь 2015 онд Увс аймагт амарч явахдаа усанд живж буй хүүхдийн амийг аварсанд нутгийн ард иргэдийн талархлыг хүлээжээ.  Эрдэнэт үйлдвэрийн Спорт ордны дарга Ш.Даваахүүгийн яриаг хүргэе