2019.02.18\/ Орхон аймгийн ИТХ-ын тэргүүлэгчдийн хуралдаан болов. Хурлаар “Цагаан тоос” дэд хөтөлбөрийг танилцууллаа. Хөтөлбөрийн хүрээнд Цагаан тоосны тархалт, экологи, эрүүл мэндийн нөлөөллийн үнэлгээ судалгаа, мониторинг хийх Дэгдэлтийг бууруулах технологийн арга хэмжээ авч хэрэгжүүлэх Экологийн сөрөг нөлөөллийг бууруулах Эрүүл мэндийн урьдчилсан сэргийлэх үзлэг шинжилгээ зохион байгуулах Иргэдэд үнэн зөв, бодит мэдээлэл түгээх сурталчилгааны ажлыг зохион байгуулах гэсэн таван үндсэн зорилтыг дэвшүүлсэн байна.    Эрдэнэт үйлдвэр ХХК-ийн зүгээс 10 жилийн хугацаанд 4.5 тэрбум төгрөг Цагаан тоосыг дарахад зарцуулсан ч, үр дүнд хүрээгүй. Цагаан тоос нь хүний бие, махбодод ямар хор хөнөөлтэй талаар батлагдсан судалгааны дүн гараагүй, харин мал амьтны биед буюу дотор эрхтэнд тоосжилтын нөлөөлөл байна гэсэн судалгаа гарчээ. Цагаан тоосон дахь найрлага, хүнд элементүүдийг дурдах илүүц ч, эцсийн дүнд “Хүн хүчил төрөгчөөр амьсгалдаг” нь үнэн. Иймд  цагаан тоос нь хүний биед ямар нэгэн хор хөнөөл учруулж байгааг судалж, тогтоох зайлшгүй шаардлагатай. Үүний үр дүнд ядаж өрх бүрт шаардлагатай хоргүйжүүлэх, бусад эрүүл мэндийг дэмжих хэлбэрийн дэмжлэгийг Эрдэнэт үйлдвэрээс гаргуулж болох талаар орон нутгийн удирдлага, тэргүүлэгчдийн зүгээс үзэж байна.  Үүний тулд өнгөрсөн хугацаанд хоёр талд зөвлөх үйлчилгээ, судалгаа шинжилгээ гэх мэт үргүй зардлыг гаргаж буйг зогсоож, эдгээр ажлуудыг нэгтгэх, Эрдэнэт үйлдвэрээс Цагаан тоосонд зарцуулж буй хөрөнгийг орон нутагтай хамтран зарцуулах саналыг гаргаж байна. Харин Орхон аймгийн Засаг дарга Д.Батлут “Байгаль орчин аялал жуулчлалын яам”-нд Цагаан тоосны асуудлыг тависан бөгөөд тун удахгүй ажлын хэсэг ажиллаж, дүгнэлт гарсны дараа тухайн асуудлыг дахин хэлэлцэхийг санал болгон дэмжигдлээ.