"Шунхлай" дэлгүүрт хулгай орж, их хэмжээний хохирол учруулжээ

Сар шинийн баяртай дөхсөнтэй холбоотойгоор томоохон худалдаа үйлчилгээний газар, хүнсний захуудад хөл хөдөлгөөн ихсэхийн хирээр халаасны хулгай нэмэгддэг. Мөн баярын өдрүүдэд иргэд олон хоногоор золголт хийхтэй холбоотойгоор орон байр, эд зүйлсийн хулгай нэмэгдэх хандлагатай байдаг. Хамгийн сүүлд гэхэд Үйлчилгээний төвд байрлах алт мөнгө, үнэт эдлэлийн "ШУНХЛАЙ" дэлгүүрт хулгай орж урьдчилсан байдлаар 600 гаруй сая төгрөгийн хохирол учирсныг холбогдох албаныхан шалгаж байна. Тиймээс ард иргэдэд сонор сэрэмжээ нэмэгдүүлж, айл хөршүүддээ орон гэрээ захих, хараа хяналттай үлдээхийг Орхон аймгийн цагдаагийн газраас сануулж байна.  Энэ хүрээнд цагдаагийн газраас "Сар шинэ-2019" нэгдсэн арга хэмжээг зохион байгуулж байна