2019 онд Баян-Өндөр сум 963 сая төгрөгийн хөрөнгө оруулалтаар 45 арга хэмжээ хэрэгжүүлнэ

Тухайн жилийн төсвөөс шалтгаалан орон нутгийн хөрөнгө оруулалтад тусгах зардал харилцан адилгүй байдаг.  Зарим оны хөрөнгө оруулалтыг авч үзвэл....тусгагджээ. Орон нутгийн хөгжлийн сангийн хөрөнгөөр "Сархиа" уул орчим эрүүл мэндийн зам тавина 2019 онд Баян-Өндөр суманд хийгдэх хөрөнгө оруулалтын жагсаалт гарчээ. Тус жагсаалтыг төлөвлөхдөө Баян-Өндөр сумын 19422 иргэнээс санал хүсэлт авч иргэдээс гарсан саналын дагуу хийх ажлыг эрэмбэлэн хөрөнгө оруулалтын жагсаалтыг гаргажээ. Ингэснээр 2019 онд Баян-Өндөр сум нийт  963 сая төгрөгөөр, 45 арга хэмжээ авч хэрэгжүүлэх болсон байна. Үүнээс Сархиа ууланд "Эрүүл мэндийн алхалтын зам" тавих, амралт чөлөөт цагийн талбайг 10 байршилд барих ажлууд нь иргэдийн эрүүл мэнд, нийгэмд чиглэсэн, ач холбогдол өндөр, томоохон төсөвт өртөгтэй онцлох ажлуудад тооцогдож байна. Тухайлбал Сархиа уулын чиглэлд эрүүл мэндийн зам тавих ажилд 73 сая төгрөг зарцуулах аж.  Хөрсний бохирдлыг бууруулах чиглэлд 300 сая төгрөгөөр "Эко нойл" төсөл хөтөлбөр хэрэгжүүлнэ Харин 2018 онд Баян-Өндөр суманд орон нутгийн хөгжлийн сангийн хөрөнгө оруулалтаар 51 төсөл арга хэмжээ хэрэгжүүлсэн. Үүнээс агаар хөрсний бохирдлын учир шалтгааны судалгааг, гэр хорооллын 50 цэгээс авсан байна. Энэ хүрээнд агаар хөрсний бохирдлыг бууруулах чиглэлээр гэр хорооллын нүхэн жорлонг "Эко нойл" болгох зөвлөмж гарсны дагуу 2019 оны аймгийн хөрөнгө оруулалтад 300 сая төгрөгийг "Эко нойл" барих ажилд тусгуулж чадсан байна.