Говь-Алтай аймгийн ОБГ-ын барилга бүрэн ашиглалтад орлоо

Говь- Алтай аймагт олон жил зогсонги байдалд ороод байсан барилга обьектууд эхнээсээ ашиглалтанд орж эхэллээ. Аймгийн онцгой байдлын газрын барилга 3 тэрбум төгрөгний төсөвт өртөгтэйгээр 5 жил хүлээгдэсний эцэст бүрэн ашиглалтанд орлоо. Нээлтийн үйл ажиллагаанд Улсын Их Хурлын гишүүн Ш.Раднаасэд, ОБЕГ-н удирдлагууд аймгийн Иргэдийн төлөөлөгчдийн хурлын дарга Т.Ганзориг, аймгийн Засаг дарга С.Гансэлэм, Онцгой байдлын газрын бие бүрэлдэхүүн оролцлоо.Уг барилга ашиглалтанд орсноор Алтай хотын өнгө үзэмжинд тодорхой хувь нэмрийг оруулаад зогсохгүй Онцгой байдлын газрын бие бүрэлдэхүүний чадавхи сайжирч ажиллах орчин нөхцөл, техник тоног төхөөрөмж хадгалалт хамгаалалтанд ахиц дэвшил гарч байгааг аймаг орон нутгийн удирдлагууд онцоллоо.