Эрдэнэт хотын авто болон явган замын гэрлийг шинэчиллээ

Эрдэнэт хотын 50 жилийн ойг угтан энэ онд долоон байршилд авто зам дагуух 275, явган зам дагуу 105 нийтдээ 380 гэрлийг шинэчлэх ажлыг орон нутгийн хөрөнгө оруулалтаар “Мөнх номгон” ХХК гүйцэтгэлээ. Өмнөх жилүүдэд хэсэгчлэн болон урсгал засвар, шинэчлэл хийж байсан бол энэ жил 100 хувь шинэчилж буйгаараа онцлогтой. Байршлаар нь авч үзвэл Сүмийн уулзвараас Холбооны уулзвар, Барилгачингийн уулзвараас Холбооны уулзвар хүртэл, Зуун айлаас Хойд дугуй, 5-1-р байрнаас Орос элчин, Жастын уулзвараас Булган гарах зам дагуу, Орхон молл худалдааны төвөөс Орос элчин хүртэлх замын гэрлийг шинээр суурилууллаа.