Орхон аймгийн ИТХ, ЗДТГ, Эрүүл мэндийн газар, Эрүүл мэндийн Шүд холбоо, Мишээл хүүхдийн сан хамтран сургууль, цэцэрлэг, сум, өрхийн эрүүл мэндийн төвийн эмч, сувилагч, нийгмийн эрүүл мэндийн ажилтнуудыг хамруулан “Нүүр амны эрүүл ахуйн сургагч багш бэлтгэх сургалт” зохион байгуулж байна.

 Үндсэн статистик:

• 0-5 насны 12,206 хүүхдийн урьдчилан сэргийлэх үзлэгт хамруулсан бөгөөд 2 хүүхэд тутмын 1 нь шүдний өвчлөлтэй, амны хөндийд дунджаар 3 шүд цооролтой.

• ЕБС-ийн 22 сургуулийн 2,557 сурагч үзлэгт хамрагдахад 68.6% нь шүд цоорол зэрэг ямар нэгэн өвчлөлтэй гарсан.

• Аймгийн хэмжээнд нүүр амны тусламж үйлчилгээ үзүүлж буй 17 төрийн болон хувийн эмнэлэгт нүүр амны эрүүл ахуйч нийт хүний нөөцийн ердөө 2-5%-ийг эзэлж байгаа нь хангалтгүй үзүүлэлт.

 Сургалтын зорилго:

• Хүүхэд, өсвөр үеийн амны эрүүл ахуйн дадлыг хэвшүүлэх.

• Эрүүл мэндийн ажилтнуудыг сургагч багшаар бэлтгэн, амны эрүүл ахуйн сургалт, урьдчилан сэргийлэх ажлыг сайжруулах.