Орхон аймгийн ГХУСАЗСЗ-ийн гуравдугаар хуралдаанаар аймгийн гэр бүлийн хүчирхийлэл, гэмт хэрэг, зөрчлийн өнөөгийн байдал болон цаашид авч хэрэгжүүлэх арга хэмжээний талаар хэлэлцэв.

Эхний 8 сарын байдлаар орон нутагт бүртгэгдсэн гэмт хэрэг:

• Нийт: 835 хэрэг, өмнөх жилтэй харьцуулахад 30.7%-иар өссөн.

• Цахим орчинд үйлдэгдсэн гэмт хэрэг: 240 тохиолдол (28.7%), голлон залилах, хулгайлах, заналхийлэх, худал мэдээлэл тараах, хуурамч бичиг баримт ашиглах.

• Хүүхдийн эсрэг гэмт хэрэг, дээрэмдэх, хөрөнгө завших, мансууруулах бодис ашиглах гэмт хэрэг буурсан.

Гэмт хэрэгт яллагдагчдын судалгаа:

• 492 хүн яллагдагчаар татагдсан

• 58% нь ажилгүй

• 57% нь согтуугаар үйлдсэн

• 11% бүлэглэн үйлдсэн

• 14.8% урьд нь ял эдэлсэн

Хуралдаанаар гаргасан гол санал, шийдвэрүүд:

• Урьд нь ял эдэлсэн иргэдийн дахин гэмт хэрэгт холбогдох боломжийг бууруулах чиглэлээр багийн Засаг дарга, хэсгийн ахлагч нар хууль сурталчлах, урьдчилан сэргийлэх ажилд оролцох.

• Хоёр сумын ГХУСАЗСЗ-ийн ажлын уялдаа холбоог сайжруулах, нөлөөллийн ажил, арга хэмжээний хэлбэрийг шинэчлэх.

• Шинэ төрлийн гэмт хэргийн шалтгаан нөхцлийг тогтоох, үр дүнтэй урьдчилан сэргийлэх ажлаас туршлага судлах.

• Гэрч, хохирогчийг хамгаалах төв зэрэг хөрөнгө оруулалтын ажлуудын гүйцэтгэлийг эрчимжүүлэх чиглэлээр аймгийн Засаг даргад танилцуулах.