Орхон аймгийн Иргэдийн Төлөөлөгчдийн Хурлын төлөөлөгчид Жаргалант суманд ажиллаж, 2025 онд хэрэгжиж буй хөрөнгө оруулалт, бүтээн байгуулалтын ажлын явц болон өвөлжилтийн бэлтгэл хангалтын байдалтай газар дээр нь танилцлаа.

Жаргалант суманд энэ онд төр, хувийн хэвшил, орон нутгийн хамтын оролцоотойгоор нийт 20 гаруй нэр төрлийн хөрөнгө оруулалт, хөтөлбөрийн ажил хэрэгжиж байна. Эдгээрийн ихэнх нь 100 хувийн гүйцэтгэлтэй, улсын комиссоор хүлээн авсан байна.

 Хөдөө аж ахуй, дэд бүтцийн чиглэлд

“Жаргалант ногоочид” хөтөлбөрийн хүрээнд

• Мухар булангийн ногооны талбайн усалгааны далан барьж ашиглалтад оруулснаар 80 иргэний 90 га талбайн усалгааны нөхцөл сайжирч, ургац нэмэгдэх боломж бүрдлээ.

• Ногооны талбайн хашаажуулах ажил (Хар будааны хөндий) бүрэн дууссан.

Улаантолгой багийн үерийн даланг үргэлжлүүлэн барих ажил,
1.4 км урт зам дагуу гэрэлтүүлэг суурилуулах ажил тус тус бүрэн хийгдэж, улсын комиссоор хүлээн авсан байна.

 Хот тохижилт, ногоон байгууламж

Жаргалант сумын хиймэл нуур орчимд “Цэцэрлэгт хүрээлэн” байгуулсан.
Нийт 9425 м² талбайд гүйлтийн зам, сагсан бөмбөг, хөлбөмбөгийн талбай, хүүхдийн тоглоомын хэсэг, ногоон байгууламж, гэрэлтүүлэг, явган хүний замыг иж бүрнээр байгуулжээ.

Гэр хорооллын гэрэлтүүлгийг нэмэгдүүлэх ажил Улаантолгой болон Жаргалант багуудад бүрэн хийгдсэн.

Нийгмийн дэд бүтэц, үйлчилгээ

Нийтийн халуун усны байрыг засварлах,
Сумын төвийн уст цэгүүдийг ухаалаг системд холбох,
Гэр хорооллын айл өрхийн цахилгаан шугамыг шинэчлэх ажлууд бүгд 100 хувь гүйцэтгэлтэй дууссан байна.

Сумын цагдаагийн хэсэгт туулах чадвартай автомашин шинээр нийлүүлсэн.

Хөдөө аж ахуй, малжуулах бодлого

Малжуулах хөтөлбөрийн хүрээнд малчдын өвөлжөө, хаваржаанд ногоон тэжээл тариалах,
Хээлтүүлэгч бух худалдан авах,
Мал амьтны рентген аппарат нийлүүлэх зэрэг ажлууд бүрэн хэрэгжсэн байна.

 Эрүүл мэнд, боловсрол, соёл

“Эрүүл жаргалантчууд” хөтөлбөрийн хүрээнд

• Эрүүл мэндийн төвийг иммунологийн болон физик эмчилгээний шинэ тоног төхөөрөмжөөр хангаж,

• Хүүхдийн үзлэгийн өрөө шинээр тохижуулжээ.

Боловсролын хөтөлбөрийн хүрээнд

• Сургуулийн мэдээлэл зүйн танхимыг шинэчилж, тоног төхөөрөмжөөр хангах,

• Цэцэрлэгийн бохирын шугам солих,

• Цэцэрлэгийн 6 бүлгийг ор, ширээ, сандал, принтерээр хангах ажлууд бүгд 100 хувийн гүйцэтгэлтэй дууссан байна.

Соёлыг дэмжих хөтөлбөрийн хүрээнд нийт 111 сая төгрөгийн хөрөнгө оруулалт хийгджээ.

2025 онд Жаргалант суманд 20 гаруй бүтээн байгуулалт, хөрөнгө оруулалтын ажил амжилттай хэрэгжиж, сумын дэд бүтэц, ногоон байгууламж, нийгмийн үйлчилгээний чанар мэдэгдэхүйц сайжирсан байна.

Аймгийн ИТХ-ын төлөөлөгчид ажиллах үеэрээ иргэдийн санал хүсэлтийг сонсож, ирэх оны хөгжлийн төлөвлөгөөнд тусгах чиглэлүүдийг тодорхойлсон юм.