Өнгөрсөн долоо хоногийн Өргөтөгсөн шуурхай хуралдаанаар  2026 оны орон нутгийн төсөв хэлэлцэхтэй холбоотой Их шүтээн цогцолбор, Хуримын ордон, Хөх Монгол цогцолбор, Эрдэнэт ШУТП ОНӨҮГ, Эрдэнэт цэцэрлэгт хүрээлэн, “Америк төв-Эрдэнэт” төвийн үйл ажиллагааг сайжруулах менежментийн хувьд цаашид хэрхэн авч явах чиглэлээр санал боловсруулж, Засаг даргын Зөвлөлийн хуралд танилцуулах үүрэг даалгаврыг өгсөн. 

Үүнд, Орон нутгийн өмчийн газраас дараах мэдээллийг өглөө. 

Монгол Улсын Засгийн газрын 2024-2028 оны үйл ажиллагааны хөтөлбөр, аймгийн Засаг даргын 2024-2028 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөнд аймгийн ХГБХХГ-ын харъяа “Гэр бүлийн хөгжлийн төв”-ийг бий болгохоор тусгасан.  Энэ хүрээнд одоо ажиллаж буй “Гэр бүлийн ордон”-ы үйл ажиллагааг энэ чиглэлээр өргөжүүлж ажиллуулахаар санал боловсруулан, аймгийн ЗДТГ, ОНӨГ, ХГБХХГ, Гэр бүлийн ордон хамтарсан уулзалт, хэлэлцүүлэг зохион байгууллаа. 

Уулзалтын үр дүнд Гэр бүлийн ордныг энэ онд багтаан үйл ажиллагааг  нь дуусгаж, 2026 оны 01 дүгээр сарын 01-ний өдрөөс эхлэн ХГБХХГ-ын харьяа “Гэр бүлийн хөгжлийн төв” нэршлээр үйл ажиллагааг явуулахаар санал дүгнэлтийг нэтгэн боловсруулжээ.  Үүнтэй холбоотой танилцуулга, мэдээллийг 2025 оны 11 дүгээр сард аймгийн Засаг даргын Зөвлөлийн хуралд танилцуулахаар бэлтгэл ажлыг хангаж байна гэж мэдээллээ.