Хувьцааг нь хөрөнгийн биржээр нээлттэй арилжаалах бэлтгэл ажлын хүрээнд Засгийн газраас тус компанийн сүүлийн гурван жилийн үйл ажиллагаанд олон улсад хүлээн зөвшөөрөгдсөн хараат бус аудит хийх үүрэг өглөө. Мөн хөндлөнгийн үнэлгээний компанийн үнэлгээг шинэчлэн тогтоолгохоор болсныг холбогдох албан тушаалтнууд хариуцна.
Түүхээс: 2010 онд “Эрдэнэс Тавантолгой” хувьцааны 20%-ийг, 2018 онд 30%-ийг биржээр арилжаалах эрх авсан. Одоо Засгийн газар компанийн үйл ажиллагааг ил тод болгож, хувьцааг нээлттэй болгох бэлтгэл ажлыг үе шаттай хэрэгжүүлэхээр болж байна.
581 нүүрсний гэрээ ил боллоо
Тус компани 2010-2025 онд нийт 586 нүүрс худалдах, худалдан авах гэрээ байгуулсан бөгөөд 581-ийг нь олон нийтэд нээлттэйгээр цахим хуудсандаа байршуулжээ. Үлдсэн таван гэрээ нь олон улсын нууцлалын зохицуулалттай тул зөвшөөрөл авсны дараа ил тод болох юм.
Компани стратегийн ач холбогдолтой ордод үйл ажиллагаа явуулдаг, Монголын бүх иргэд хувьцааг нь эзэмшдэг тул ил тод, нээлттэй мэдээлэл хангах нь хууль ёсны шаардлага. Засгийн газраас үүрэг болгосноор компани аудит, гэрээний ил тод байдлыг хангаж, хөрөнгийн биржээр арилжаалах бэлтгэлээ амжилттай үргэлжлүүлж байна.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.