Etimes.mn мэдээллийн сайт “Тойргийн гишүүд” цувралыг уншигч танд хүргэж байгаа билээ. Бид хойд бүсээс сонгогдсон УИХ-ын гишүүдийн хийж буй ажил, санаачилсан хууль, хэрэгжүүлж буй төсөл хөтөлбөр, тойрогтоо ажилласан байдал зэргийг хүргэж байгаа. Мөн үүнээс гадна хариуцлага нэхэж, ирэх гурван жилийн хугацаанд олон нийт, сонгогчдын төлөө ажиллахыг нь сануулсаар байгаа юм.

Бид энэ удаад Доржсүрэнгийн Үүрийнтуяа гишүүнийг онцолж байна.

Ирцийн мэдээлэл:

Д.Үүрийнтуяа гишүүн анх удаагаа хойд бүсээс сонгогдсон. Түүний хувьд 2024-2025 оны УИХ-ын чуулганд 75 хувийн ирцтэй суужээ. Харин үлдсэн 25 хувьд нь гадаад томилолт, орон нутгийн томилолт зэрэг шалтгаанаар чөлөө авчээ. Мөн чуулганаа нэг ч удаа таслаагүй бөгөөд 32 минут хоцорсон байна.

-Байнгын хороо:

-Нийгмийн бодлогын байнгын хорооны гишүүн

-Үйлдвэржилтийн бодлогын байнгын хорооны гишүүн

-Монгол АНЭУ-ын Парламентын Бүлгийн дарга

-Монгол Шведийн Парламентын Бүлгийн дарга

-УИХ-ын Ажлын хэсгийн ахлагч

Санаачилсан хууль:

-Д.Үүрийнтуяа дөрвөн хуулийн төслийн Ажлын хэсгийн гишүүнээр ажиллаж байна.

-Түүний голлох санаачилсан ажил нь хүүхдийн хоолны төсвийн асуудал байв. Тодруулбал, Монгол Улсын 2025 оны Төсвийн тухай хуульд "Сургууль, цэцэрлэг, дотуур байрны хүүхдүүдийн хоолны материалын зардлыг төлөвлөснөөс 10 хувиар бууруулахгүй байх" саналыг гаргаж, дэмжүүлсэнээр хүүхдүүдийн хоолны зардал танагдаагүй. Уг санал нь Улсын төсвийн эхний хэлэлцүүлэгээр унасан ч хоёр дахь хэлэлцүүлгээр дэмжигдэж чадсан юм. Мөн тэрбээр цаашид хүүхдийн хоолны төсвийг нэмэх асуудлыг хөндөж, үүнийхээ төлөө ажиллана гэдгээ илэрхийлээд байгаа юм.

-Хоёрдугаарт, Гэр бүлийн тухай хуульд хүн амын өсөлтийн асуудлыг тусгах шаардлагатай байгаа талаар санал оруулаад байна.

Дэмжсэн, санал өгсөн хуулийн төсөл:

-Татварын ерөнхий хуульд нэмэлт, өөрчлөлт оруулах тухай

-Цөмийн аюулгүй ажиллагааны тухай конвенцыг соёрхон батлах тухай хуулийн төсөл

-Бага хэмжээний цөмийн материалын шинэчилсэн протоколыг соёрхон батлах тухай

-Цөмийн материалыг биечлэн хамгаалах тухай 1980 оны конвенцын 2005 оны нэмэлт, өөрчлөлтийг соёрхон батлах тухай

-Цөмийн энергийн тухай хуульд нэмэлт, өөрчлөлт оруулах тухай

-Монгол Улсын 2025 оны Төсвийн тухай

-Эрүүл мэндийн даатгалын сангийн 2025 оны Төсвийн тухай

-Нийгмийн даатгалын сангийн 2025 оны төсвийн тухай

Татгалзсан санал өгсөн хууль:

-Монгол Улсын Их Хурлын 2024-2028 оны стратеги төлөвлөгөөг батлах тухай- Оролцоогүй

Хийсэн чухал ажил:

-Монгол Улсын Засгийн газрын 2024-2028 оны үйл ажиллагааны хөтөлбөрт "Мөрөн - Их-Уул - Рашаант - Өлзийт - Хайрхан - Тэрхийн цагаан нуур" босоо чиглэлийн авто замыг барьж дуусгах ажил тусгагдлаа.

-Монгол Улсын Засгийн газрын 2024-2028 оны үйл ажиллагааны хөтөлбөрт "Эрдэнэт хотын цахилгаан хангамжийг сайжруулахад шаардлагатай 35 кВт-ын цахилгаан дамжуулах агаарын шугам, дэд станц барих" ажил тусгагдлаа.

- Монгол Улсын Засгийн газрын 2024-2028 оны үйл ажиллагааны хөтөлбөрт "Хутаг-Өндөр сумаас Бага-Илэнхийн хилийн боомт хүртэл 137км авто зам барих" ажил тусгагдлаа.

- Монгол Улсын Засгийн газрын 2024-2028 оны үйл ажиллагааны хөтөлбөрт "Ханх-Хатгал чиглэлийн авто замыг барих" ажил тусгагдлаа.

-Монгол Улсын Засгийн газрын 2024-2028 оны үйл ажиллагааны хөтөлбөрт "Эрдэнэт хотын доторх авто замын барилга угсралт, шинэчлэлт, өргөтгөл, их засварын ажлыг гүйтэцгэх" ажил тусгагдлаа.

- Монгол Улсын Засгийн газрын 2024-2028 оны үйл ажиллагааны хөтөлбөрт "Мөрөн хотод 50мВт-аас доошгүй хүчин чадалтай дулааны цахилгаан станц байгуулах бэлтгэл ажлыг хангах" зэрэг ажлыг тойргийн гишүүдтэйгээ хамтран улсын төсөвт суулгуулжээ.

Тойрогтоо ажилласан байдал:

-Орхон аймагт жижиг, дунд үйлдвэрийг хөгжүүлэх сангаас 2025 онд хөнгөлөлттэй зээл олгох төсөл хүлээн авч эхэллээ. (2025.03.12)

-Социал Демократ Монголын эмэгтэйчүүдийн холбооны Орхон аймаг дахь салбарын тэргүүлэгчидтэйгээ уулзаж санал солилцлоо. (2025.02.26)

-УИХ-ын гишүүн Д.Үүрийнтуяагийн санаачилгаар Хөвсгөл, Булган, Орхон аймгийн ЗДТГ, “Хойд бүсийн хөгжлийн төв” хамтран “Хойд бүсэд үйлдвэрлэв-2025” үзэсгэлэн худалдааг гурван өдрийн турш Орхон аймагт зохион байгууллаа. (2025.02.26)

-“Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн шинэчилсэн найруулга” хэлэлцүүлэг Орхон аймагт зохион байгуулагдлаа. (2025.02.26)

-Хойд бүсийн хэмжээнд анх удаа УИХ-ын гишүүн Д.Үүрийнтуяагийн санаачилгаар Хөвсгөл, Булган, Орхон аймгийн хоршоологчид, жижиг дунд бизнес эрхлэгч, өрхийн үйлдвэрлэгчдийн хамтарсан үзэсгэлэн худалдаа зохион байгуулагдаж байна. (2025.02.13-19)

-Ахлах ангийн сурагчдын санхүүгийн боловсролын суурь мэдлэгийг дээшлүүлэх, зөв дадал, чадварт суралцахад нь сургууль, багш нарын үүрэг, оролцоо, манлайллыг дэмжих зорилготой “LEVEL-UP хөтөлбөр” Орхон аймагт боллоо. (2025.02.11)

-СДМЭХ-ны 30 жилийн ойн арга хэмжээг Орхон, Булган аймгийн 700 бүсгүйчүүдээ хамруулан зохион байгууллаа. (2024.09.23)

-Тойргийнхоо иргэдэд өргөө цагаан гэр бэлэглэлээ. (2024.09.16)

Д.Үүрийнтуяа гишүүнийн хувьд хувьд хойд бүсээс анх удаагаа сонгогдсон боловсролтой, мэдлэгтэй, хүн төвтэй гишүүнээр тодроод байгаа юм. Энэ ч утгаараа сонгогчид олон ажил хийнэ гэдэгт итгэсээр байгаа билээ.