Нэгдүгээр сарын 20-ны өдрийн даваа гарагийн Засаг даргын шуурхай зөвлөгөөнөөр Засаг дарга Б.Зоригтбаяр аймгийн төрийн байгууллагын ажлын цагийн хуваарьт өөрчлөлт оруулах талаарх санал, дүгнэлтийг боловсруулж танилцуулахыг холбогдох албаныханд үүрэг болгосон.
Тодруулбал, Төрийн албан хаагчдаас цайны цагийг нэг цагаар богиносгон, ажил тарах цагийг нэг цагаар наашлуулж 17:00 цагт тарах хүсэлтийг гаргасан. Ажлын цагт өөрчлөлт оруулах нь албан хаагчдын ажлын бүтээмжийг нэмэгдүүлэх, гэр бүлтэйгээ өнгөрүүлэх чөлөөт цагийг нэмэх гэхчлэн давуу талтай гэж үзэж буй.
ЗДТГ-ын Төрийн захиргаа удирдлагын хэлтсээс ажлын цагт зохицуулалт хийх, санал авах тухай албан бичгийг нийт 47 төрийн байгууллагад илгээжээ. Нэгдүгээр сарын 31-ний өдрийн байдлаар 23 байгууллагын 1149 албан хаагч саналаа ирүүлсэн байна. Санал ирүүлсэн албан хаагчдын 78.6 хувь нь буюу 904 нь төрийн байгууллагын ажлын цагт өөрчлөлт оруулах нь зүйтэй гэж үзэн 08.00-12:00, 13:00-17:00 цаг хүртэл ажиллах саналыг дэмжжээ. Харин 245 албан хаагч нь дэмжээгүй гэдэг дүгнэлтийг өнөөдрийн Засаг даргын шуурхай зөвлөгөөний үеэр танилцууллаа. Уг үүрэг даалгаврын биелэлт хэрэгжиж байна.
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.