ЭРХЭЭ ДАРГА ЭРДЭНЭТЭЭС ЯВААД ӨӨДӨЛСӨНГҮЙ, БҮҮР АВЛИГАЧИН БОЛЧИХЛОО
Эрдэнэт хотод саяхныг хүртэл Л.Эрхбаатар гэж дарга байлаа. Тэр уг нь салбарын хүн гэж сайшаагдаж, Орхон аймгийн "Нийгэм улс төрийн" бүтээгч улс төрч залуу”-д нэр дэвшиж явсан удаатай. Хачирхалтай нь, хоёр, гуравхан жилийн өмнө "ЭРДЭНЭТ ДЦС" ТӨХК гүйцэтгэх захирлын ажлаа хүлээлгэн өгөөд, Улаанбаатар руу шилжсэн байдаг. Түүнийг гэнэт ийм шийдвэр гаргасанд орхончууд гайхаж хүлээж авсан ч тэр явсан. Тэгвэл Л.Эрхбаатар ДЦС-3 -ын гүйцэтгэх захиралд томилогдсон даруйдаа л эрдэнэтчүүдийн чихийг халууцуулж ирсэн.
Тодруулбал, хоёр жилийн өмнө Эрүүгийн цагдаагийн албаны Эдийн засгийн гэмт хэрэгтэй тэмцэх Л.Эрхбаатарыг бусдаас их хэмжээний мөнгө авч байсныг газар дээр нь илрүүлэн баривчилсан. Тодруулбал, ДЦС-3 -ын гүйцэтгэх захирал Л.Эрхбаатар нь "Хасу Эрчим" ХХК-ийн гүйцэтгэх захирал Б.Бат-Эрдэнээс тендер сонгон шалгаруулалтад тэнцүүлж өгсний авлигалд их хэмжээний мөнгө авч байгаад хуулийнханд баригдсан байдаг. Улмаар түүнийг прокурорын зөвшөөрлийн дагуу 461-р хорих ангид 48 цаг цагдан хорьж, мөрдөн шалгах ажиллагаа явуулсан. Ингээд түүнд холбогдох хэргийг АТГ-аас шалгаж дуусаад хэргийг шүүхэд шилжүүлэх саналтайгаар прокурорт шилжүүлсэн байдаг. Харамсалтай нь, түүний хэрэг хэрхсэн ч тодорхойгүй байна.
Хамгийн ноцтой нь, авлига авч үйлдэл дээрээ баригдсан гэх Л.Эрхбаатар өнөөдрийг хүртэл суудал дээрээ сууж, ДЦС-3 -ын гүйцэтгэх захирлын албаа хашиж байгаа нь гайхшрал төрүүлж байна. Засгийн газраас 5Ш ажиллагаа явуулж, авлига, албан тушаалын хэрэгт холбогдсон бүх албан хаагч, улстөрчдийг суудлаас нь хөөх шийдвэрийг Ерөнхий сайд гаргасан. Ерөнхий сайдын шийдвэр хэрэгжихгүй байна уу, Л.Эрхбаатар том ар талтай байна уу гэдэг нь анхаарал татаж байна.
Бид энэ талаар 5ш ажиллагааны “Шувуу”, “Шүүр” ажиллагааг хариуцаж байгаа Хууль зүй, дотоод хэргийн сайдын ажлын албатай холбогдож тодруулахад “Шалгаад хариу өгье” гэсэн юм.
Ямартай ч Эрхээ дарга Эрдэнэтээс яваад өөдөлсөнгүй ч даргын суудлаасаа буусангүй. Харин авлигачин, хахуульчин болчихлоо.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.