Унага цэцэрлэгийн хүүхдүүд үкүлэлэ хөгжмийг долоон сарын хугацаанд сурчээ

Унага цэцэрлэгийн дуу хөгжмийн багш Н.Түвшинжаргал анх бэлтгэл бүлгийн хүүхдүүдэд 9 дүгээр сараас үкүлэлэ хөгжмийг заажээ. Ингэхдээ долоон хоногт хоёр удаа богино цагаар ордог байжээ. Учир нь хүүхдүүдийн сонирхолыг бууруулахгүй, залхаахгүй байх үүднээс 20 минутын хугацаанд заадаг байсан байна. Хүүхдүүд маш амжилттай суралцаж чадсан учраас ахлах ангийн хүүхдүүд буюу 4 настангуудад зааж эхэлжээ. Тэд 3 сарын хугацаанд суралцсан өөрсдийн чадвараа бусад цэцэрлэгийн дуу хөгжмийн багш нарт танилцууллаа. Үкүлэлэ хөгжим нь 4 утаснаас бүрдсэн бөгөөд гитар хөгжмөөс цөөн утастай учраас сурахад, тоглоход хялбар хөгжмийн зэвсэг. Утас нь төмөр биш сатурк байдаг тул дарахад эвтэйхэн, өвдөлт өгдөггүй, жижигхэн хэмжээтэй нь, хүүхдүүдийн гарт тохиромжтой юм. Иймд  багш тухайн хөгжмийн сонгосон гэдгээ ярьж байлаа.