Баян-Өндөр суманд утааг бууруулах зорилгоор 1.4 тэрбум төгрөгөөр станц барина

       Орхон аймгийн Баян-Өндөр суманд дэд станц барих тендер зарлажээ. Уг тендерийг өнгөрсөн нэгдүгээр сарын 29-нд зарлаж, 1.5 тэрбум төгрөгөөр дэд станц барих тооцоо судалгаа гарчээ. Тодруулбал, Баян-Өндөр сумын агаарын бохирдлыг бууруулах зорилгоор гэр хорооллын багуудын бүсэд айл өрхүүдийн цахилгааны хүчдэл унадаг хэсгүүдэд 6кВ-ын хуваариалах байгууламж дэд станц шинээр барих \/Рашаант, Яргуйт, Баян-Овоот, Шанд, Даваат, Уртын гол, Их залуу, Цагаанчулуут, Наран\/ ажлыг энэ ондоо багтаж эхлүүлэх аж. Уг тендерийг Байгаль хамгаалах сангаас санхүүжүүлж байгаа гэнэ. Тендерт “Орконтех” ХХК дэд станцыг 1.4 тэрбум төгрөгөөр барих санал хүргүүлж, шалгарчээ. Одоогийн байдлаар Байгаль хамгаалах сан болон Орконтех ХХК нь гэрээ байгуулаагүй байна.