ТАНИЛЦ: Засаг даргын орлогч М.Түмэнжаргалын хөрөнгө
Итаймс.мн мэдээллийн сайт нь Орхон аймгийн удирдлага болон холбогдох төрийн байгууллагуудын албан хаагч, төрийн өмчит үйлдвэрүүдийн удирдлага, албан хаагчдын хөрөнгийг танилцуулсаар ирсэн билээ. Тэгвэл бид энэ удаад Орхон аймгийн Засаг даргын орлогч Мишигийн Түмэнжаргалын хөрөнгийг танилцуулж байна. Одоогийн байдлаар Орхон аймаг Засаг даргагүй байгаа бөгөөд М.Түмэнжаргал нь орлож ажиллаж байгаа юм.
Тодруулбал, Орхон аймгийн Засаг дарга С.Батжаргал эрүүл мэндийн шалтгааны улмаас үүрэгт ажлаасаа чөлөөлөгдөх хүсэлтээ Монгол Улсын Ерөнхий сайдад уламжилсан. Хүсэлтийн дагуу Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 64.1-д заасныг үндэслэн үүрэгт ажлаас нь чөлөөлсөн. Аймгийн Засаг даргыг шинээр томилох хүртэл хугацаанд аймгийн Засаг даргын бүрэн эрхийг Засаг даргын орлогч М.Түмэнжаргал хэрэгжүүлж ажиллахаар өнөөдөр ажлаа хүлээн авсан билээ.
М.Түмэнжаргалын жилийн орлого 34 сая төгрөг, харин гэр бүлийн орлого нь 93 сая төгрөг гэнэ. Тэрбээр 236 сая төгрөгөөр үнэлэгдэх нийтийн орон сууц нэг, хоёр авто гражтай гэж мэдүүлжээ. Харин Lexus, RX 330, Toyota, Prius XW30 машинаа 40 сая төгрөгөөр үнэлж, мэдүүлсэн байна. М.Түмэнжаргал нь эзэмших эрхийн хоёр газартай, газраа 24 сая төгрөгөөр үнэлжээ.
Тэрбээр дотоодын хадгаламждаа 23.6 сая төгрөгтэй бөгөөд долоон сая төгрөгийн үнэт эдлэлтэй гэнэ. Бусдаас 36.4 сая төгрөгийн авлагатай бол Төрийн банкинд 55 сая төгрөгийн зээлтэй ажээ. Харин Эрдэнэс таван толгой ХК, И Кей холдинг ХХК, Эрд нэр ХХК-д хувьцаа эзэмшдэг.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.