Сэрэмжлүүлэг: Орхон аймгийн нутгаар дулаарч, шар усны үер болж болзошгүй

        Орхон аймгийн Ус цаг уур орчны шинжилгээний төвөөс онцгойлон анхааруулж, сэрэмжлүүлж байна. Тодруулбал, ойрын өдрүүдэд Орхон аймгийн хэмжээнд цаг агаар тогтуун, дулаан байх төлөвтэй байгаа аж. Ийм учраас цас эрчимтэй хайлж, шар усны үер болж болзошгүй хэмээн онцгойлон анхааруулж байна. Иймд иргэд, малчид, тээвэрчид та бүхнийг болзошгүй эрсдэлээс урьдчилан сэргийлж, шар усны үерийн аюулаас сэрэмжтэй байхыг зөвлөж байна.