Монгол Улс даяар “Эрт илрүүлэг” хөтөлбөр үргэлжилж байна. Эрт илрүүлгийн идэвхээр Орхон аймаг улсын хэмжээнд хоёрдугаарт бичигдэж байна. Тодруулбал, Орхон аймгийн хэмжээнд эрт илрүүлэгт 106145 хүн хамруулахаас 33756 хамрагдаж үзлэг 31.8 %-тай байна. Үүнээс хүүхдийн үзлэгт 25226 хүүхэд хамрагдаж хамруулахаар төлөвлөсөн хүүхдийн 67.4%, насанд хүрэгсдийн үзлэгт 8530 иргэн хамрагдаж төлөвлөсөн хүн амын 12.4% үзлэгт хамрагдсан байна. Үзлэгээр зөвлөгөө өгсөн-25208, анхан шатны ЭМБ-ын хяналтад шилжүүлсэн-2795, төрөлжсөн мэргэшлийн эмнэлэг рүү шилжүүлсэн-6331 хүн байна.Хүүхдийн үзлэгээр амны хөндийн өвчлөл, насанд хүрэгсдийн үзлэгээр хоол боловсруулах эрхтэн тогтолцооны өвчлөл тэргүүлж аймгийн хэмжээнд үзлэгээр 16 хавдрыг \/Улаан хоолой, ходоодны хавдрын 1,2,3-р шат\/ илрүүлж эмчлэн эрүүлжүүлж байгаа ажээ. Харин Эрт илрүүлэгт 18-30 насныхан идэвх муутай хамрагдаж байгаа гэнэ. Энэ насны бүлгийнхэн ихэвчлэн сайн дураараа эмд төлөх шаардлагатай байдаг учраас ЭМД төлөлтөөс шалтгаалж байгаа аж.