Ирэх сараас эхлэн иргэд нийтийн тээврээр үйлчлүүлэхдээ бэлэн мөнгө ашиглахгүй

Орхон аймаг нь нийтийн тээврийн үйлчилгээг цахимжуулах зорилгоор “EPASS” төслийг хэрэгжүүлж байгаа билээ. Тэгвэл ирэх 2-р сарын 1-ний өдрөөс эхлэн хот дотор нийтийн тээврээр үйлчлүүлэхдээ төлбөрийн цахим карт ашиглан үйлчлүүлэх юм.  Цахим   төлбөрийн карт худалдан авахдаа Согоот баг, 6-р микрийн нэг дүгээр байрны дэргэдэх автобусны буудал дээр байрлах картын төв. Мөн автобусны буудлууд  дээр байрлах зарлан мэдээлэх самбарын QR код бүхий хэсгийг уншуулж бүх төрлийн интернэт банкны апликейшн ашиглан гүйлгээ хийж автомат машинаас авах боломжтой. Үнийн хувьд Энгийн карт 5000 төгрөгөөр, 6-12 насны хүүхдүүд 4000 төгрөгөөр хүүхдийн карт, Хөнгөлөлттэй картыг \/ оюутан, цагдаа, өндөр настан, хөгжлийн бэрхшээлтэй иргэд\/ эхний удаа үнэ төлбөргүй олгож хаяж гээгдүүлсэн тохиолдолд 3000 төгрөгөөр дахин авна      Картаа цэнэглэхдээ Согоот баг 6-р микрийн 1-р байрны дэргэдэх  автобусны буудалд байрлах “КАРТЫН ТӨВ”-д хандахаас гадна бүх төрлийн интернэт банкны апплейкшн ашиглан картын ард байрших QR кодыг уншуулан дурын мөнгөн дүнгээр цэнэглэлт хийнэ.