НӨАТ-ын сугалааны тохирол өнөөдөр 13 цагт болно

НӨАТ-ын сугалааны 12 сарын тохирол өнөөдөр 13:00 цагт явагдана. Энэ удаагийн тохиролд 2022 оны 12-р сарын 1-31-ний хооронд худалдан авалт хийж, цахим системд бүртгэгдсэн бүх баримтыг оруулах юм. Сугалааны тохирлыг Боловсрол ТВ болон Ebarimt аппликэйшнээр шууд үзэх боломжтой. НӨАТ-ын сугалааны шинэ журмаар олон баримт бүртгүүлэх тусам азтан болох боломж өндөр хэмээн мэдэгдээд буй. Тодруулбал, 1-10 баримт бүртгүүлээд 3-8 орон таарвал 30,000-5 сая төгрөг, 11-50 баримт бүртгүүлээд 3-8 орон таарвал 40,000-10 сая төгрөг, 51-ээс дээш баримт бүртгүүлээд 3-8 орон таарвал 60,000-30 сая төгрөгийн урамшуулал авна. Орхон аймагаас нийтдээ 766828 баримт бүртгүүлсэн байна.