Орхон аймгаас улсын их хуралд сонгогдсон С.Ганбаатар гишүүн тойрогтоо тайлангаа тавьж байна. Тэрээр 2021-2022 онд  улсын төсвийн нийт 13.6 тэрбум төгрөгийн хөрөнгө оруулалтыг өөрийн санаачилгаар Орхон аймагтаа суулгаж, ажил хэрэг болгосон хэмээн тайлагнаж байна. Тодруулбал, Боловсрол, эрүүл мэндийн салбар, төрийн үйлчилгээг ил тод цахим болгох, жижиг дунд , өрхийн үйлдвэрлэгчдийг дэмжих болон бусад гэсэн 5 чиглэлээр хөрөнгө оруулалтыг улсын төсвөөс шийдвэрлэсэн. Харин 2023 онд боловсролын салбарын тоног төхөөрөмж 1 тэрбум төгрөг,  олон талт түншлэлийн хүрээнд үйлдвэрлэгч баг төсөлд Баян-Өндөр суманд 1 тэрбум 470 сая төгрөг, орон нутгийн хөгжлийг дэмжих чиглэлээр “Шинэ хөдөө” төсөлд 500 сая төгрөг нийт 2,9 тэрбум төгрөгийг улсын төсөвт санаачлан тусгуулсан гэлээ. УЛСЫН ТӨСВӨӨС ТОЙРОГТОО 13.6 ТЭРБУМ ТӨГРӨГИЙН ХӨРӨНГӨ ОРУУЛАЛТЫГ УЛСЫН ТӨСВӨӨС ТАТЖЭЭ Мөн  өөрийн санаачилга болон Эрдэнэтчүүдийг төлөөлж нийт 35 хуулийн ажлын хэсэгт ажиллаж байгаа юм байна.    Тухайлбал, Оюутолгой ордын ашиглалтад Монгол Улсын эрх ашгийг хангуулах тухай, үйлдвэрлэл технологийн паркийн эрх зүйн байдал, газрын тухай багц хууль,татварын мэргэшсэн зөвлөх үйлчилгээний тухай, зөвлөлдөх санал асуулга явуулах тухай УИХ-ын тогтоолын төслийн ажлын хэсэгт гишүүнээр тус тус ажиллаж байна. Ингэхдээ санал, шүүмжлэлтэйгээр ажилласны үр дүнд зарим нэмэлт, өөрчлөлт хийгдэж байгааг тэрээр хэллээ. УИХ-ын гишүүн С.Ганбаатарын өнгөрсөн онд хийсэн ажлын тайлан Эрдэнэтийн иргэдэд илүү дэлгэрэнгүйгээр хэвлэмлээр хүрэх юм байна.