Орхон аймаг 200 сая төгрөгөөр шагнууллаа

Монгол Улсын Ерөнхий сайд Л.Оюун-Эрдэнийн захирамжаар Орхон аймгийн ЗДТГ-ыг 200 сая төгрөгөөр шагнажээ. Монгол улсын засгийн газар “АЛСЫН ХАРАА 2050”, “ШИНЭ СЭРГЭЛТИЙН БОДЛОГО” “Хот хөдөөгийн сэргэлтийг” сайжруулах бодлогын хүрээнд Засгийн газрын бодлого, шийдвэрийг хэрэгжүүлэхийн төлөө идэвх зүтгэл гаргаж үр бүтээлтэй ажиллаж байгааг нь үнэлж уг шагналыг олгосон юм. Орхон аймаг нь орон нутагт шилжин суурьшсан иргэд, аж ахуйн нэгжүүдийг дэмжих, хот хөдөөгийн сэргэлтийг сайжруулах, хотын төвлөрлийг бууруулах, эдийн засгийн боломжийг бүрдүүлэх гэх зэргээр орон нутгийн хөгжилд чиглэсэн арга хэмжээнүүдийг амжилттай зохион байгуулан ажиллажээ. Мөн төсөвт зардлаа орон нутгийн төсвөөр бүрэн санхүүжүүлэх юм.