Аймгийн нөөцийн өвс, тэжээлийг малчдад олгоно
Орхон аймагт хүйтний эрч чанга байгаа хэдий ч өвөлжилт хэвийн үргэлжлэх төлөвтэй байна. Жалгатай газраараа 40 см, тал газраар 20 орчим см цастай байгаа юм.
Одоогоор хаагдсан зам, даваа байхгүй байна.
Орхон аймаг нь газар нутаг бага, бэлчээрийн даац хэтэрсэнтэй холбоотойгоор малчид нь өвөлдөө отор нүүдэл их хийдэг. Одоогийн байдлаар Булган аймгийн сумд, Сэлэнгэ , Төв, Хөвсгөл, Архангай, Дорнод, Завхан, Сүхбаатар, Өмнөговь аймгийн нутагт 300 гаруй малчин өрхийн 51.5 мянган толгой малтай оторлож байна.
Мөн аймаг, сумдын аюулгүйн нөөцөд бэлтгэсэн өвс, тэжээлийг малчдад олгох ажлыг зохион байгуулахаар хүнс хөдөө аж ахуйн газар саналаа онцгой комисст хүргүүлсэн. Онцгой комиссоос зөвшөөрвөл 200 тонн өвсийг малчдадаа үнэ төлбөргүйгээр энэ сардаа багтаан олгох юм.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.