Гэр бүлийн хүчирхийллийн илрүүлэлт энэ онд өссөн үзүүлэлттэй байна
ГБХЗХГ нь гэр бүлийн хүчирхийллийн бууруулахын тулд нөлөөллийн 81 үйл ажиллагаа зохион байгуулж иргэд болон аж ахуйн нэгжүүдэд гэр бүлийн хүчирхийлэлтэй тэмцэх тухай хуулийг таниулан сурталчлах чиглэлээр сургалтад хамруулсан юм.
Ингэснээр 2022 онд Орхон аймгийн хүүхэд хамгааллын 108 утсанд 221 дуудлага ирж, 35 иргэн түр хамгаалах байраар үйлчлүүлж гэр бүлийн хүрээнд үйлдэгдсэн гэмт хэрэг, хүчирхийлэлд өртсөн иргэдийн талаарх мэдээлэл нэмэгдсэн юм.
Түүнчлэн иргэд хэзээ хаана, хэнтэй хэрхэн холбогдож өөрийгөө болон хүүхэд залуучуудыг хамгаалуулж болох талаар мэдээлэлтэй болсны илрэл хэмээн холбогдох байгууллагаас хэллээ.
Түр хамгаалах байраар үйлчлүүлсэн иргэдтэй ГБХЗХГ нь эргэх холбоотой ажилладаг. Тухайлбал, тодорхой хугацааны дараа эргэн уулзахад хүүхдийн амьдрах орчин аюултай, улиралд таарсан хувцасгүй, хоол унд хомс байдалтай байдаг. Иймд тусламж нэн шаардлагатай 16 хүүхдэд өвлийн дулаан хувцас, ахуйн хэрэглээ, хүнсний багц, дархлаажуулалтын багцын тусламж дэмжлэгийг үзүүлэн ажилладаг байна.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.