Төрийн жинхэнэ албан хаагчийн тангараг өргөх ёслол боллоо

Эрдэнэт хотын өдөр, Анхдагч илгээлтийн  эздийн өдрийг угтан ЗДТГ, Баян-Өндөр сумын ЗДТГ, ЭМГ, Татварын хэлтэс, БШУГ, ГБХЗХГ, Сэлэнгэ голын сав газрын захиргаа зэрэг 7 байгууллагын 12 албан хаагч Төрийн жинхэнэ албан хаагчийн тангараг өргөлөө.  Монгол Улсын иргэн төрийн захиргааны албанд анх орохдоо Төрийн албаны тухай хуулийн дагуу  төрийн албаны ерөнхий болон тусгай шалгалт  өгч нэр дэвшигдэн тухайн албан  тушаалдаа тодорхой хугацаанд туршилтын журмаар ажилласан байх шаардлагатай байдаг.  Тухайн албан хаагчийн байгууллагын удирдлагын тангараг өргүүлэх шийдвэрээр  Төрийн жинхэнэ албан хаагчийн тангараг өргүүлдэг журамтай юм.  Үүний дагуу дээрх долоон байгууллагын 12 албан хаагч Төрийн жинхэнэ албан хаагчийн тангараг өргөлөө.