Цахим картын үйлчилгээ буюу E-Pass төслийг хэрэгжүүлж эхэллээ

Аймгийн Засаг дарга "Сим" ХХК-тай 2021 онд нийтийн тээврийн үйлчилгээнд Цахим картын үйлчилгээ буюу E-Pass төслийг хэрэгжүүлэхээр хамтран ажиллах гэрээг байгуулсан. Аймгийн хэмжээнд нийтийн тээврийн үйлчилгээнд явдаг 36 автобусанд карт унших төхөөрөмж, спикер, 20 буудалд зарлан мэдээлэх төхөөрөмж, 21 автобусанд дэлгэц, 36 автобусанд хяналтын болон хүн тоологч нийт 72 ширхэг камер, дэлгэцийг байршуулсан байна. Мөн нийтийн тээврийн үйлчилгээнд үнэ төлбөргүй зорчих иргэдэд Хөдөлмөр, халамж үйлчилгээний газартай хамтран багуудаар дамжуулан 6000 ширхэг картыг олгох ажлыг зохион байгуулаад байна.