Аймгийн ИТХ-ын зөвлөлийн гуравдугаар хуралдаанаар  дараах найман асуудлыг  хэлэлцлээ.   Үүнд, аймгийн 2022 оны тодотгосон төсөв, Нэршил өөрчлөх тухай, “Багийн хөгжлийн хөтөлбөрийн 2021 оны төлөвлөгөөний биелэлт, “Ач санах” хөтөлбөр, “Анхдагч хөтөлбөр”, “Эх хэл Эрдэнэт” хөтөлбөр болон “Аймгийн боловсролын салбарыг 2021-2024 онд хэрэгжүүлэх хөтөлбөр”-үүдийн 2021 оны хэрэгжилтийн тайланг хэлэлцлээ.      2021 онд  аймгийн ИТХ-аар батлуулан  гурван зорилтын хүрээнд 19 үйл ажиллагааг хэрэгжүүлсэн  “Ач санах хөтөлбөр”-ийн  биелэлт 81 хувьтай дүгнэгджээ.  Ахмад настанд үзүүлэх эрүүл мэн, нийгмийн халамж хамгааллын үйлчилгээг сайжруулах зорилтын хүрээнд Ахмад настны тухай хуулийн дагуу хөл гар, шүдний  протез, сонсох харах эрхтний ортопедийн хэрэгсэл, тэргэнцэр зэрэг тусгай хэрэгслийг өөрсдийн сонгосон байгууллагаар хийлгэсэн болон худалдан авсан 905 ахмад настанд 113,9 сая төгрөгийн хөнгөлөлтийг нийгмийн халамжийн сангаас олгожээ.       Уг арга хэмжээний хүрээнд долоон үйл ажиллагааг хийж хэрэгжүүлсэн байна. Мөн Ахмад настны бие даасан байдал, хөгжил оролцоог нэмэгдүүлэх зорилтын хүрээнд зургаан үйл ажиллагааг хэрэгжүүлжээ. Үүний нэг нь өнгөрсөн онд эргэн төлөгдөх нөхцөлтэй санхүүгийн дэмжлэгт оёдол, сүлжмэл, гар урлалын чиглэлээр хүсэлт гаргасан 9 ахмад хөдөлмөр эрхлэлтийг дэмжих сангаас 1.5-3 хүртэл сая төгрөгийн нийт 21,5 төгрөг, эргэн төлөгдөхгүй санхүүгийн дэмжлэгт 2 ахмад тус бүр нэг сая 500 мянган төгрөг нийт 3 сая төгрөгийн дэмжлэгт хамрагджээ. “Баялаг бүтээгч ахмадууд” үзэсгэлэн худалдааг өнгөрсөн оны есдүгээр сард 115 ахмадыг хамруулан зохион байгуулж 7 сая 500  мянган төгрөгийн борлуулалтыг хийсэн гэх мэт өнгөрсөн онд хийж хэрэгжүүлсэн ажлаа тайлагналаа.        Эрдэнэт хотын бүтээн байгуулалтад  хувь нэмрээ оруулсан Анхдагч  илгээлтийн эздийг нэгдсэн бодлого, зохион байгуулалтад оруулах, хөдөлмөр бүтээлийг нь алдаршуулах, зорилгоор “Анхдаг” хөтөлбөрийг  2017 оноос хойш хэрэгжүүлж ирсэн. Гурван зорилтын хүрээнд 11 арга хэмжээг хэрэгжүүлсэн уг хөтөлбөрийн 2021 оны жилийн  эцсийн дундаж гүйцэтгэл 82,8 хувьтай дүгнэгдлээ.  Анхдагч илгээлтийн эздэд хүндэтгэл үзүүлэх, алдаршуулах, нийгмийн дэмжлэг туслалцаа шаардлагатай игэдэд дэмжлэг үзүүлэх, төсөл хөтөлбөрүүдэд хамруулах ажлыг төрийн болон төрийн бус байгууллагуудтай хамтран зохион байгуулах зорилтын хүрээнд  таван арга хэмжээг хэрэгжүүлсэн байна.   Мэдээллийн төв