Төр хувийн хэвшлийн оролцоотойгоор орон сууцны хорооллыг нэмэгдүүлнэ
Хот суурин газрыг дахин хөгжүүлэх хэсэгчилсэн ерөнхий төлөвлөгөөний хүрээнд гэр хорооллыг орон сууцжуулах бүтээн байгуулалтын ажил хийгдэхээр төлөвлөгджээ.
Тодруулбал: Гэр хорооллыг орон сууцжуулах зорилгоор “Орлогод нийцсэн орон сууц” төслийг эхлүүлж барилга барих газрын байршлуудыг тодорхой болгож чадсан. Үүний үр дүнд Уртын гол багт 18000 метр квадрат талбайд 260 айлын орон сууц орон нутгийн хөрөнгө оруулалтаар баригдаж эхэлсэн. Орон нутгийн хөрөнгө оруулалт 26 тэрбум 600 сая төгрөгөөр баригдаж буй уг төслийн гүйцэтгэгч компаниар “Неман констракшн” ХХК ажиллаж байна.
Цаашлаад Их залуу баг, Оюут баг Дөмөг захын урд, Цагаанчулуут баг, Эрдэнэ баг, Говил баг зэрэг гэр хорооллыг орон сууцжуулах судалгаа хийгдэж, зураг төсөв гаргах ажлууд хийгдсээр байна.
Түүнчлэн Хот төлөвлөлтийн шаардлага хангахгүй барилгажсан хэсгийг дахин төлөвлөн барилгажуулах Тамир зочид буудлын дэргэдэх граж болон 5-р микрийн гражын газруудыг дахин төлөвлөлтөд оруулж үйлчилгээний зориулалттай барилга болон орон сууц барихаар төлөвлөж газар чөлөөлөлтийн ажил хийгдэж эхлэхээр болоод байна.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.