Амьсгалын замын халдвар томуу томуу төст өвчний дэгдэлт эрс нэмэгдэж, хүүхдүүд шалан дээр эмчлүүлж байна гэсэн мэдээллийн мөрөөр бид БОЭТ-ийн Хүүхдийн эмнэлгийг зорьсон юм. Халуурсан, ханиалгасан, өвчиндөө шаналж уйлсан хүүхдүүдийн хөлд хүүхдийн эмнэлэг дарагдаж, шалан дээр хүүхдүүд эмчлүүлж буй дүр төрх угтаж авлаа.    Иймд БОЭТ-ийн Эмнэлзүй эрхэлсэн дэд захирал М.АЛТАНБЕК-ээс Томуу томуу төст өвчний дэгдэлт, авч хэрэгжүүлж буй ажлын талаар тодрууллаа.  - Өнөөдрийн байдлаар хүүхдийн эмнэлэгт 201 хүүхэд хэвтэн эмчлүүлж байгаагийн ЕСӨН хүүхэд уушгины хатгалгаа, амьсгалын дутагдалд орж биеийн байдал хүнд байна. Томуугийн өвчинд бага насны буюу 0-5 насны хүүхдүүд илүү өртөж байна.  Бид дараах зохион байгуулалтыг хийн ажиллаж байна. Хүүхдийн эмнэлэгт 150 ор дэлгэж, өөр бусад тасгаас нэмэлтээр 12 сувилагч татан ажиллуулж нийт 9 их эмч, 30 сувилагчтайгаар эмчилгээ үйлчилгээ үзүүлж байна. Гэсэн хэдий ч орны дутагдал байгаа тул дахин 50 ор дэлгэхээр бэлтгэл ажлыг хангаж байна. Эцэг, эх, асран хамгаалагч нар хүүхдүүддээ тавих анхаарал халамжийг сайжруулах, дулаан байлгах, бүлээн шингэн юм сайн уулгах, хооллолтынхоо чанар, төрлийг олшруулж ойр ойрхон өгөх, ханиад шуухинаа даамжирч хатгалгаа өвчний шинж тэмдэг илэрч байгаа эсэхийг ажиглан өөрийн харьяа өрхийн эмчдээ хандаж үзүүлэх бөгөөд хэдийд эргэж үзүүлэх талаар өрхийн эмчээсээ заавал асууж, өгсөн зөвлөмж зөвлөгөөг нь сайн биелүүлэх шаардлагатай гэв.   Орхон аймаг эрүүл мэнд болон боловсролын салбарт хөрөнгө оруулалт, дэмжлэгийг хамгийн сайн хийдэг.   Гэтэл тус өвчнөөс урьдчилан сэргийлэх бодлогын ажлыг зохион байгуулах чиг үүрэг бүхий ЭМГ яагаад Урьдчилан сэргийлэх ажлыг зохион байгуулаагүй вэ? гэсэн асуултыг ЭМГ-ын дарга Д.СҮХЭЭ танд үлдээе!!!!!