Байгаль орчин, аялал жуулчлалын дэд сайд Г.Түвдэндорж, “People in need” ТББ-ын Монгол дахь суурин төлөөлөгч Тим Женкинстэй  “Эдийн засгаа эко болгоцгооё” төслийн талаар өнөөдөр хэлэлцлээ. Уг төслийг Европын холбооны Свич Эйшиа хөтөлбөрийн санхүүжилтээр Улаанбаатар, Эрдэнэт, Дархан хотуудад дөрвөн жилийн хугацаанд хэрэгжүүлэхээр болжээ.  Хүнс, ус ундааны чиглэлийн 10 мянган ЖДҮ, 30 холбоод, 750 борлуулагчдад хүрэхээр зорин ажиллах болно.    Байгалийн нөөцийг үр ашигтай зарцуулдаг, нүүрстөрөгчийн ялгарал багатай, тойрог эдийн засагт аажмаар шилжиж, ядуурлыг хурдацтай бууруулах зорилго бүхий “Эдийн засгаа эко болгоцгооё” төсөл 2022-2026 онуудад Монгол улсад хэрэгжинэ. Уг төслийн суурь судалгааны ажлууд үргэлжилж байна.                                                                                                                                                                                     Төслийг үр дүнд хүргэхийн тулд 5 багцаар хэрэгжүүлэхээр тусгажээ. Үүнд: Хүнс, ус ундааны салбарт эко шошгожуулалтын стандарт, бодлоготой болно. Хүнс, ус ундааны салбарын ЖДҮ, болон борлуулагчид дээрх стандартыг нэвтрүүлэх, ногоон сүлжээний талаарх мэдээлэлтэй болсон байх Санхүүгийн шийдлүүдийг оновчтой нэгтгэнэ. Эко шошгожуулалт нь цахим төлбөрийн системүүдтэй уялдсанаар илүү өргөн хүрээг хамрах болно ЖДҮ, борлуулагчид, холбоод, хэрэглэгч, бусад оролцогч талуудын дунд эко шошгожуулалтын ач холбогдлыг танин мэдэх, Цаашилбал ЖДҮ, борлуулагчид, холбоод, хэрэглэгчид болон бусад оролцогч талуудын дунд эко шошгожуулалтын ач холбогдлын талаар олныг хамарсан дадал, зан төлөвийн өөрчлөлт хийхээр төлөвлөсөн аж.