Хотын төвийн зарим хэсэгт үйлчилгээний зориулалттай барилга, орон сууц барихаар төлөвлөжээ

Ирэх жилүүдэд Эрдэнэт хот доторх зарим хэсгийг хөгжүүлэх чиглэлд хэсэгчилсэн ерөнхий төлөвлөгөөний дагуу томоохон өөрчлөлт, бүтээн байгуулалтын ажлууд хийгдэнэ.      Тухайлбал гэр хороололд хэд хэдэн байршилд орон сууц барихаар төлөвлөсөн. Энэ жилийн хувьд Уртын гол багт 260 айлын 5 давхар, 5 блок барилгын ажлыг эхлүүлсэн. Мөн Цагаанчулуут багийн 49-53-дугаар гудамжны 82 өрхийн газрыг дахин төлөвлөлтөд оруулж орон сууцжуулах судалгаа хийгдэж байгаатай холбогдуулан. багийн иргэдээс санал хүсэлтийг нь холбогдох тооцоо, судалгааны газар, хэлтсээс сонсч байгаа аж. Мөн Тамир зочид буудлын урд гражууд,  мөн 5-р микрийн гражын газруудыг дахин төлөвлөлтөд оруулах юм. Ингэснээр үйлчилгээний зориулалттай барилга, орон сууц барих боломжтой болох юм.      Түүнчлэн Их залуу багт багш нарт зориулсан хороолол,  Эрдэнэ багт жишиг орон сууц, Баянцагаан багт Эрчим хороолол, Дөмөг захын урд залуус хороолол байгуулахаар тус тус төлөвлөжээ.