Монголын залуучуудын байгууллагын 100 жилийн ой тохиож байна
НҮБ-ын Ерөнхий Ассемблейн 1999 оны 54\/120 тоот тогтоолоор жил бүрийн 8 дугаар сарын 12-ны өдрийг Олон улсын залуучуудын өдөр болгон тэмдэглэж байхаар заасан байдаг билээ.
Харин манай улсын хувьд 8 дугаар сарын 25-ны өдрийг Монголын залуучуудын өдөр байхаар Нийтээр тэмдэглэх баярын болон тэмдэглэлт өдрүүдийн тухай Монгол улсын хууль 2003 онд заасан байдаг. Учир нь 1921 оны наймдугаар сарын 25-ны өдөр “Бошгыг халах залуучуудын эвлэл”-ийг байгуулж Их зохиолч Д.Нацагдорж тус байгууллагын анхны даргаар ажилласан юм.
Энэ өдөр Монголын залуучуудын хөдөлгөөн үүссэн төдийгүй тэд үг хэлэх эрх чөлөөгөө эдэлж, дуу хоолойгоо албан ёсоор нэгтгэсэн түүхэн тэмдэглэлт өдөр юм.
Энэхүү өдрийг тохиолдуулан Орхон аймгийн ХЗЭ-ийн ахмад ажилтны холбоо Залуучуудын зөвлөлөөс хамтран гурван үеийн уулзалтыг Нутгийн удирдлагын ордны хурлын зааланд зохион байгууллаа.
Тус арга хэмжээнд Орхон аймгийн ИТХ-ын дарга Д.Мөнхбат, Орхон аймгийн Засаг дарга С.Батжаргал болон Гэр бүл, хүүхэд залуучуудын хөгжлийн газар, МХЗЭ-ийн ахмад ажилтны холбоо, Багийн залуучуудын салбар зөвлөл, Залуучуудын хөгжлийн төв, Залуучуудын ордны төлөөлөл оролцлоо.
Уулзалтын үеэр Орхон аймгийн Засаг дарга С.Батжаргал “XX зууны манлай бүтээн байгуулалт болсон Эрдэнэт хот, Эрдэнэт үйлдвэрийн тухайн үеийн залуучууд гардан бүтээн байгуулсан. Ах нарынхаа барьж байгуулсан энэхүү хот өнөөдөр 45 нас хүрчээ. Тиймээс одоо үеийн залуус, дүү нар Аж үйлдвэрийн 4 дүгээр хувьсгалыг ч мөн гардан бүтээж Эрдэнэт үйлдвэр, Эрдэнэт хотоо улам бүр хөгжүүлэх цаг үе ирээд байна” хэмээн хэллээ.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.