ТӨСВИЙН ТОДОТГОЛООР ТАВ ДАХЬ УДААГАА АВТО ЗАМАА НӨХНӨ
Энэ он гарсанаас хойш Баян-Өндөр сумын хэмжээнд нийт 3-4 удаагийн авто замын нөхөлт, засвар хийсэн. Гэвч зассан зам нь эвдэрч, төр, төсвийн мөнгө үнэгүйдсээр...
Улмаар иргэдийн хувийн эд хөрөнгө эвдэж, авто замын хөдөлгөөнд эрсдэл учрах нөхцөл бүрдсэнг жолооч нар хэлж байна. Тухайлбал хороолол дундах авто зам, дэнжийн тойрог, Баян-Худалдааны төвийн хажуугийн зам, БОЭТ орчмын зам, зарим байр хоорондох замын эвдрэл гэмтэл ихэссэн. Энэ эдврэлийн улмаас иргэдэд ямар хэмжээний асуудал үүсч байгааг төсөөлшгүй.
Аймгийн хэмжээнд энэ жилийн төлөвлөгөөт бүх газраа нөхөж дууссан ч, бороо их орж байгаатай холбоотойгоор, мөн улирлаас шалтгаалж том оврын тээврийн хэрэгслийн хөдөлгөөн эрс нэмэгдсэн нь замын эвдрэл гэмтлийн шалтгаан болж байгааг холбогдох албаныхан хэлж байна гэлээ.
"Хэдэн удаагийн нөхөлтөөр үр дүнгээ өгөөгүй эвдэрч, зай талбай нь ихэссэн авто замын эвдрэлийн хэмжээг дахин нарийвчлан гаргахад нийт 2800 м\/квт зам нөхөх шаардлагатай болжээ. Үүнд ойролцоогоор 100 орчим сая төгрөг шаардлагатай гэнэ. Харин яаралтайгаар 1510 м\/квт замыг энэ сард багтаан засварлаж, нөхнө. Үүний тулд аймгийн төсөвт тодотгол хийхийг хүлээх хэрэгтэй гэлээ".
Харин олон нийт аливаа засвар үйлчилгээг цаг тухайд нь, чанартай хийдэг байхыг шаардаж байна.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.