БОЭТ АЖИЛЧДЫНХАА ЦАЛИНГ 50 ХҮРТЭЛХ ХУВИАР НЭМЭХ БОЛОМЖТОЙ

"СОНГУУЛЬ-2024"

Эрүүл мэндийн даатгалаас эмнэлгүүд гүйцэтгэлээр санхүүждэг тогтолцоо хэрэгжиж эхэлсэнтэй холбоотойгоор УИХ-ын Нийгмийн бодлогын байнгын хорооноос Эрүүл мэндийн хууль тогтоомжийн биелэлтэд хяналт, шалгалт тавих ажлын хэсэг Орхон аймгийн эрүүл мэндийн байгууллагын төлөөлөлтэй уулзалт хийлээ. Энэ үеэр Орхон аймгийн эрүүл мэндийн салбарт хүний нөөц, хүний хөгжлийн асуудал чухал байгааг салбарынхан онцоллоо.

ЭРҮҮЛ МЭНДИЙН САЛБАРЫН ХҮНИЙ НӨӨЦИЙН ХОМСДОЛД ОРООД БАЙНА Уулзалтаас гарсан санал хүсэлтээс шалтгаалж, эмч, эмнэлгийн ажилтнуудын эрх ашиг, нийгмийн асуудал, хууль тогтоомжийн хэрэгжилтийн талаар дүгнэлт хийн, Засгийн газар, бусад шийдвэр гаргах түвшинд уламжлан, тодорхой шийдвэр гаргуулах юм. Орхон аймагт хийсэн уулзалтын үеэр БОЭТ ажилчдынхаа цалинг энэ жил 10 хувиар нэмсэн. Цаашид 50 хүртэлх хувиар нэмэх боломжтой ч, одоогоор ихэнх санхүүгээ ковидын үеийн тусламж үйлчилгээнд зарцуулж байна. Тухайлбал Орхон аймгийн БОЭТ бүх эмч, ажилчдынхаа цалинг 50 хувь нэмэхэд, одоо гарч байгаа зардал дээр нь сар бүр 40 сая төгрөг нэмэгдэнэ. Үүнийг гүйцэтгэлийн санхүүжилтээс олох боломжтой. Гэвч тусламж үйлчилгээ үзүүлсэн иргэдийнхээ мэдээллийг шивж оруулж, санхүүжилт авдаг тогтолцоонд ашиглаж буй программаас шалтгаалж, гүйцэтгэлийн мөнгө хасагдах гэх мэт асуудал байгааг эмнэлгийн удирдлага хэлж байна. Мөн Орхон аймгийн хэмжээнд өрх, хувийн хэвшлийн эмнэлгүүдэд хүний нөөцийн хомсдол үүссэнг онцолж байна. .

Өрхийн эмнэлгүүд гүйцэтгэлээр санхүүжилт авахад зарим төрлийн тусламж үйлчилгээний тарифыг хэт бага тооцдог. Хувийн хэвшлийн үүдэн эмнэлэг, тэр дундаа лабораторийг эрүүл мэндийн даатгалд хамруулах саналыг эрүүл мэндийн байгууллагын зарим төлөөлөл гаргаж байна.