Эцэг эх, асран хамгаалагч нар түрхэн хугацаанд анхаарлаа сулруулснаас болж эрүүл саруул гэртээ тоглож байсан 1-8 насны хүүхдүүд зоосон мөнгө, цагны товчин зай, лего тоглоом, хүүхдийн тоглоомоос гардаг жижиг соронз зэрэг зүйлсийг амандаа үмхэж залгих, хахах тохиолдол гардаг. Цаашлаад тухайн эд зүйл улаан хоолой, амьсгалын замд нь тээглэснээр хүүхдийн амь насанд аюул учирдаг. Хүүхдийн тоглож байгаа тоглоом янз бүрийн хэлхсэн эрхи маягийн чимэглэлгүй, товчгүй Хүүхэд амандаа хийж болох жижиг хэсгүүдгүй Хүүхэд амандаа хийвэл уусдаггүй, будаг гардаггүй Хэт хүнд байж болохгүй. Хүүхэд тоглож байхдаа өөр дээрээ унагахад гэмтэл үүсгэхээргүй хөнгөн Хурц ирмэг өнцөггүй 20 сантиметрээс урт уяагүй Хүүхдийн нас болон сэтгэхүйн онцлогт таарсан Хүүхдийн хүзүүг ороож хүрэхээргүй хэмжээтэй, урттай тоглоом авч өгснөөр хүүхэд гэмтэх аюул эрсдэл бага болдог. Үүнээс гадна эцэг эх, асран хамгаалагч нар гэрийнхээ үүднээс хоймор хүртэлх хэсэгт “мөлхөө үзлэг” хийх хэрэгтэй. Мөлхөө үзлэг гэдэг нь жижиг зүйлс томчуудын нүдэнд төдийлөн анзаарагддаггүй учир эцэг эх, асран хамгаалагчид гэрийнхээ сандал ширээ, шүүгээ зэрэг элдэв тавилгын доор хүүхэд амандаа үмхэж болох зүйлс байгаа эсэхийг шалгаж, цэвэрлэснээр хүүхэд аюулгүй орчинд өсөж торнино. Мөн бохирын хоолойн бөглөөс гаргадаг болон ижил төрлийн үйлчилгээтэй янз бүрийн хүчил, шүлт агуулсан шингэн, хуурай бодисыг хүүхдийн гар хүрэх газар байрлуулснаас болж, хүүхэд сониучирхан залгиснаар ахуйн осолд өртөж, хоол боловсруулах зам түлэгдэх, хүнд гэмтэх, тахир дутуу болох эрсдэл гардаг. Тиймээс хүчил, шүлт агуулсан элдэв шингэн, хуурай бодисыг хүүхдийн гар хүрэхгүй газар эсвэл цоож, түгжээтэй өрөө, шургуулгад хадгалах хэрэгтэйг хүүхдийн эмч нар зөвлөдөг.