ХОЙД АМЕРИКААС 250 ГАРУЙ ХҮН ИРНЭ
БНСУ-аар дамжин өнгөрөх тусгай үүргийн нислэгээр лхагва гарагт Хойд Америкаас 250 орчим иргэдээ татан авна гэж Улсын онцгой комисс мэдээлээд байна.
Энэхүү нислэг 6-р сарын 17-ны 17.00 цагт “Чингис хаан” олон улсын нисэх буудалд газардах хуваарьтай байна гэж Улсын онцгой комиссын Шуурхай штабаас мэдээллээ.
Харин пүрэв гарагт БНСУ-аас иргэдээ татан авах юм. Дараа нь баасан гарагт Франкфурт руу нислэг үйлдэж, Европоос 260 орчим иргэнээ татан авах юм байна. Бямба гарагт буюу зургаадугаар сарын 20-нд Зүүн Өмнөд Ази руу нислэг илгээнэ гэж Улсын онцгой комисс мэдээлсэн юм. Харин АНУ руу зургаадугаар сарын 24-нд нислэг үйлдэхээр байна.
Үүнээс гадна Монгол Улсын хэмжээнд давхардсан тоогоор “COVID-19”-ийн 19 мянга 199 шинжилгээ хийсэн гэж ХӨСҮТ мэдээллээ. Батлагдсан 197 тохиолдлын 55.3 хувь нь буюу 109 нь эдгэрээд байна. Эмчлүүлж буй 88 хүнээс наймынх нь биеийн байдал хүндэвтэр байгаа аж. Өвчтөнүүдийн эмчилгээний хугацаа 17-55 хоног байгааг ХӨСҮТ мэдээлээд байна.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.