Гурван хүнээс коронавирус илэрч, зургаан хүн эдгэрлээ
Эрүүл мэндийн яамнаас коронавирус халдварын талаарх ээлжит мэдээллээ хийлээ.
ХӨСҮТ-ийн захирал Д.Нямхүү "24 цагийн байдлаар нийт 241 сорьцод шинжилгээ хийлээ. Үүнээс 238 хүний шинжилгээнд коронавирус илрээгүй. Танадалтын зорилгоор шинжилгээ хийсэн. Сонгинохайрхан дүүргийн нэгдсэн эмнэлгээс авсан байна. ХӨСҮТ-д тусгаарлагдсан хоёр хүний давтан шинжилгээ хийсэн коронавирус илрээгүй. Увс аймагт тусгаарлагдсан 11 хүний давтан шинжилгээнд мөн коронавирус илрээгүй. Мөн Сэлэнгэ аймагт тусгаарлагдсан хоёр хүний давтан шинжилгээнд коронавирус илрээгүй. Алтанбулаг боомтоор орж ирсэн ачаа тээврийн 39 жолоочийн шинжилгээнд коронавирус илээгүй. Нурсултан-Улаанбаатар тусгай үүргийн нислэгээр ирсэн 184 хүнд шинжилгээ хийсэн. ХӨСҮТ-д сэжигтэй гэж тусгаарласан гурван хүний хариуг өчигдөр мэдээлсэн. Коронавирус илрээгүй. Харин 181 хүний шинжилгээнээс гурван хүнд коронавирус илэрлээ.
Сайн мэдээ байна. Өнөөдөр зургаан хүн эдгэрч ХӨСҮТ-с дараагийн шатны эмчилгээнд шилжлээ. Эдгээр эдгэрсэн иргэд оюутнууд байгаа. Дөрөв нь батлан хамгаалахын сургуулийн оюутан, хоёр нь алтанбулаг боомтоор орж ирсэн оюутан байна. Эдгээр оюутнууд 27-29 хоног эмчлэгдээд гарч байна.
Ингээд батлагдсан тохиолдол 197, үүнээс эдгэрч гарсан 95 байна. Эмчлэгдэж байгаа 102 иргэн байна. Биеийн байдлаар авч үзвэл хөнгөн 91, хүндэвтэр 11 байна. Мөн жирэмсэн эмэгтэй гурав байна" гэв.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.