Хойд Америкийн үндэсний сагсан бөмбөгийн холбоо буюу NBA 22 багтайгаар ирэх долдугаар сарын 31-нээс АНУ-ын Орландо хотод эхлэхээр болсон тухай сурвалжууд мэдээлж байна. NBA-ийн нийт 30 багаас амжилтаараа илүү байсан өрнөд бүсийн 13 баг, дорнод бүсийн 9 баг тус, тус сонгогдсон бөгөөд баг тус бүр улирлын найман тоглолт хийн, бүсдээ эхний найман байранд орсон багууд цааш плэй-оффын шатанд шалгарна. Харин аваргын төлөөх шатанд долоон тоглолт гарвал NBA-ийн 2019-2020 оны улирлын сүүлийн тоглолт аравдугаар сарын 12-нд явагдах урьдчилсан тов гарчээ. Улирлыг үргэжлүүлэх боломжтой болсон 22 баг ирэх долдугаар сарын сүүл гэхэд Орландо хотод бүрэн бүрэлдэхүүнээрээ байрласан байх болно. NBA-ийн удирдлагууд өнөөдөр\/2020.06.04\/ албан ёсоор хуралдаж, шийдвэрээ гаргана. NBA өнгөрөгч гуравдугаар сарын 11-нд цар тахлын улмаас улирлаа түр зогсоож буйгаа зарласан билээ. Дорнод бүсийн амжилтаараа шалгарсан есөн баг Милвауки БаксТоронто РэпторсБостон СэлтиксМайами ХитИндиана ПэйсэрсФиладельфиа 76Бруклин НэтсОрландо МэжикВашингтон Визардс Өрнөд бүсийн амжилтаараа шалгарсан 13 баг Лос Анжелес ЛэйкэрсЛос Анжелес КлиппэрсДенвер НаггэтсЮта ЖаззОклахома Сити ТандэрХьюстон РокэтсДаллас МавериксМемфис ГриззлисПортлэнд ТрейлблэйзерсНью Орлеанс ПэликансСакраменто КингсСан Антонио СпөрсФиникс Санс эх сурвалж: news.mn