Эрүүл мэндийн яамнаас коронавируст халдварын нөхцөл байдлын талаар ээлжит мэдээллээ хийлээ.Өнөөдрийн байдлаар коронавирусийн цар тахал дэлхийн 216 улсад бүртгэгдэж, 6.358.000 хүн энэ өвчнөөр өвчилж,  377.000  нас барж, 2.9 сая хүн эдгэрч гарсан бол гурван сая гаруй хүн эмнэлэгт хэвтэн эмчлэгдэж байна. Сүүлийн 24 цагт дэлхий дахинд 99.000 хүн халдвар авч 2000 гаруй хүн нас бараад байна.Харин манай улсын хувьд коронавируст халдварын нөхцөл байдал ямар байгаа талаар ХӨСҮТ-ийн Тандалт судалгааны албаны дарга А.Амбасэлмаа мэдээлэхдээ "6 сарын 1-ний өдөр 212 хүний шинжилгээ хийгдсэн, бүгд сөрөг гарсан. Ажиглах байранд байгаа хүмүүсийн шинжилгээг ДЭМБ-ын зөвлөмжийн дагуу ирмэгц нь аваад 7,14,21 хоногт давтан авч байгаа. Гэртээ гарсны дараа нь 14 хоногийн хугацаанд 2 удаа авч байгаа. Нийт тохиолдол 185 болсон. Халдвартын эмнэлэгт 141 хүн эмчлэгдж байгаа, эмчлэгдэж байгаа хүмүүсийн ор хоног нэлээд урт 14-53 хоног, дундаж нь 30 хоног байна. Хүйсийн хувьд эрэгтэйчүүд илүү өртөлттэй байна. Эдгэрсэн 44 хүн ХӨСҮТ-өөс гараад 14 хоногийн хугацаанд Энхсаран сувилалд тусгаарлагддаг. Энэ хугацаанд хоёр удаа шинжилгээ аваад, гэртээ гарсны дараа бас дахин шинжилгээ хийж тусгаарлалтаас гаргаж байгаа" гэв.