Тусгаарлалтад шилжсэн 804 иргэний 584 нь хаягаа өөрчилж, дэглэм зөрчсөн байна
Улсын онцгой комиссын шуурхай штабаас цаг үеийн асуудлаар ээлжит мэдээлэл хийлээ.
-Цагдаагийн ерөнхий газрын Нийтийн хэв журам хамгаалах, олон нийтийн аюулгүй байдлыг хангах албаны дарга, цагдаагийн хурандаа Ж.Амгалан: Гадаадаас ирсэн иргэд 21 хоног тусгаарлалтад байсны дараа гэрийн тусгаарлалтад шилждэг. Гэвч гэрийн тусгаарлалтад шилжсэний дараа шилжилт хөдөлгөөн маш их хийж бусдыг эрсдэлд оруулж байна. Тусгаарлалтад байх хугацаандаа өгсөн гэрийн хаяг дээрээ байхгүй тохиолдол олон байна. Хотоос аймаг, аймгаас хот руу, дүүрэг хооронд шилждэг. Нийт 804 иргэн гэрийн тусгаарлалтад байгаагаас 93 иргэн нь орон нутагт харьяалалтай. Гэтэл 584 иргэн тусгаарлалтад байхдаа өгсөн гэрийн хаягаа өөрчилсөн байна. Шинэ коронавирусийн халдвар 14 хоногийн дараа илэрч байгааг Эрүүл мэндийн яамнаас анхааруулж байгаа. Хариуцлагатай хандаач ээ гэж иргэдээсээ хүсмээр байна. Хаяг дээрээ байхгүй иргэдэд хариуцлага тооцно гэхээр иргэдийн маань амьдралын чадавхи, орлого ямар байгаа билээ. Тэр бүгдийг торгоход хүнд байна. Иймээс тусгаарлалтын дэглэмээ сайтар сахихыг хүсье. Эхэлж өгсөн хаяг дээрээ 14 хоног баймаар байна" гэлээ.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.