Анимэ студийг шатааж 36 хүний аминд хүрсэн хэрэгтэнг баривчиллаа
Өнгөрсөн оны долоодугаар сарын 18-нд Японы "Киото Анимейшн" анимэ студид гал тавьж 36 хүний аминд хүрсэн хэрэгтэнг өнөөдөр тус улсын цагдаа нар баривчилжээ. Өдгөө 42 настай хэрэгтэн Шинзо Аоба нь студийг шатаахдаа өөрөө мөн хүнд түлэгдсэн бөгөөд одоо бие нь дээрдсэн тул ийнхүү 10 сарын дараа албан ёсоор баривчилсан юм.
Түүнийг хүний амь насанд хохирол учруулсан болон гал тавьсан хэргээр шүүх бөгөөд цагдаа нар биеийн байдлаас нь гадна коронавирусийн хорио дуусахыг хүлээсэн байна. Шинзо хэрэг үйлдэхээсээ өмнө студи руу хэд хэдэн удаа айлган сүрдүүлсэн захидал илгээж студи өөрийнх нь санааг хулгайлсан хэмээж байв. Гал тавих үеэрээ тэрээр "үх" хэмээн хашгирч байсныг гэрчүүд өгүүлдэг.
Уг хэрэг нь 1989 оноос хойш Япон улсад болсон хамгийн олон хүнийг нэг дор егүүтгэсэн хэрэг юм. "Kyoani" хочтой “Киото анимейшн” студи нь “K-On!”, “The Melancholy of Haruhi Suzumiya” зэрэг цувралаараа алдартай.
Эх сурвалж: Aljazeera.com
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.