Шенгений бүсийн орнуудад зорчих хязгаарлалтыг сунгав

Европын Комиссоос Шенгений бүсийн орнуудад зорчих хязгаарлалтыг 2020 оны 6 дугаар сарын 15-ны өдрийг хүртэл сунгахаар шийдвэрлэсэн бөгөөд дор дурдсан иргэд энэхүү хязгаарлалтаас чөлөөлөгдөх аж. - Европын Холбооны гишүүн орон, Шенгений бүсийн улсын иргэн, түүний гэр бүлийн гишүүд;- Урт хугацааны оршин суух зөвшөөрөлтэй гуравдагч орны иргэд;- Европын Холбооны бусад хууль тогтоомжийн дагуу тус бүс нутагт оршин суух зөвшөөрөлтэй иргэн; Түүнчлэн ажлын зайлшгүй шаардлага болон хүндэтгэн үзэх шалтгаантай дараах иргэдийг мөн адил хязгаарлалтаас чөлөөлөхөөр шийдвэрлэсэн байна. Үүнд: - Эрүүл мэндийн салбарын ажилтан, судлаач, өндөр настан, түүний асран хамгаалагч;- Хилийн боомтын албан хаагч;- Шаардлагатай тохиолдолд бараа тээвэрлэж буй болон бусад тээврийн ажилтан, тус тус багтана;- Дипломат төлөөлөгчийн газар, Олон улсын байгууллагын албан хаагч, цэргийн албан хаагч, хүмүүнлэгийн тусламжийн ажилтан;- Дамжин өнгөрөх зорчигч;- Гэр бүлийн хүндэтгэн үзэх шалтгаантай иргэд;- Олон улсын хамгаалалт, хүмүүнлэгийн бусад шалтгаанаар хамгаалалт шаардлагатай иргэн.         Эх сурвалж: ГХЯ