Коронавирусийн халдвар авсан бага, өсвөр насны хүүхдэд шинж тэмдэг дараах байдлаар илэрнэ

            Энэ талаар Эрүүл мэндийн яамнаас зөвлөмж мэдээллийг хүргэж байна. Коронавируст халдвар\/ COVID-19\/-тай бага болон өсвөр насны хүүхдэд тохиолдох эрхтэн тогтолцооны үрэвслийн хам шинжийн талаарх зөвлөмж: Сүүлийн үед Европ, хойд Америкийн зарим оронд олон эрхтэн тогтолцооны үрэвслийн хамшинжийн хүнд тохиолдол хүүхдүүдийн дунд бүртгэгдэж байна. Эдгээр хүүхдийн ихэнхэд коронавирус илэрсэн байна. Иймд ДЭМБ-аас хүүхдэд дараах шинж тэмдэг илэрвэл яаралтай эрүүл мэндийн байгууллагад хандахыг зөвлөжээ. Гурваас дээш хоног халуурах Биеэр тууралт гарах Нүд улайх Арьс салстын үрэвсэл\/ ам, гар, хөл\/ Ходоод гэдэсний цочмог хямрал\/ суулгах, бөөлжих, хэвлийгээр өвдөх\/ COVID-19 батлагдсан хүнтэй ойр байсан Хүүхэд идэвхгүй болох, унтаарах, сэрж чадахгүй байх Эдгээр шинж тэмдэн илэрвэл 119, 8008- 6829 дугаарын утсанд яаралтай хандана уу гэжээ. Эрүүл мэндийн яам