"Эдгэрсэн хүмүүсийн 11 нь гэртээ гарч, 15 нь сувилалд байна"

COVID-19 халдварт өвчин тусаад эдгэрч гарсан хүнийг 14 хоног сувилалд хянах ба энэ хугацаанд 2-3 удаа шинжилгээ авна. Одоогоор 11 хүн сувиллаас гэртээ гарчээ. Тэднийг мөн 14 хоног хянах эсэхийг эмч нарын шийдвэр гарна. Мөн эмнэлгээс гарсан 15 хүн Энхсаран сувилалд  яг одоо хяналтад байна. Дахин халдвар авахгүй гэх баталгааг бид өгч чадахгүй, дэлхийн эрдэмтэд судалж байна. Уг вирус нь хувирч өөрчлөгдөх чадвартай учраас дахин халдвар авч байгаа юм. Шинэ төрлийн вирус учраас дэлхийн эмч, мэргэжилтнүүд судалж байна гэж ХӨСҮТ-ийн захирал Д.Нямхүү хэллээ.