“Залуусын оролцоо - Эрдэнэтийн хөгжил” ТББ аймгийн онцгой комисст 500 ширхэг маск хандивлалаа

“ЗАЛУУЧУУД КОРОНОВИРУСЫН ЭСРЭГ ТЭМЦЭЖ БАЙНА” арга хэмжээний хүрээнд Орхон аймгийн Залуучуудын салбар зөвлөлөөс зохион байгуулсан МАСК аянд “Залуусын оролцоо Эрдэнэтийн хөгжил” ТББ хамтран 500 ширхэг маскыг оёж Орхон аймгийн онцгой комисст хүлээлгэн өглөө. COVID-19 өвчин дэлхийн нийтэд тахлын хэмжээнд хүрч хүн бүр сэтгэл зовнин энэхүү нөхцөл байдлыг аюулгүй даван туулахаар хичээж байна. Орхон аймгийн иргэн, аж ахуй нэгж байгууллагууд, төрийн болон төрийн бус байгууллагууд Орхон аймгийн онцгой комиссын үйл ажиллагааг дэмжин өөрсдийн нөөц бололцоог дайчлан бүхий л хүч чадлаараа дэмжлэг туслалцаа үзүүлсээр байна. Өнөөдөр ийнхүү залуучуудын төлөөлөл стандарт шаардлагад нийцсэн амны хаалтыг оёж комиссын үйл ажиллагаанд дэмжлэг үзүүлж хандивлалаа. Иргэд та бүхэн аюулт өвчнөөс өөрийгөө болон бусдыг хамгаалж амны хаалтаа тогтмол зүүж, гарын ариун цэврийг сайтар сахин ЭМЯ, Онгой комиссоос иргэдэд хүргэж байгаа зөвлөмжүүдийг дагаж мөрдөхийг эдгээр залуучууд уриалж байна.