САЙН МЭДЭЭ:Сэлэнгэ, Дарханд тусгаарлагдсан хоёр иргэний шинжилгээний хариу СӨРӨГ гарчээ
Өнөөдрийн Эрүүл мэндийн яамнаас хийсэн мэдээлэлд "COVID-19"-ийн сэжигтэй тохиолдлуудын шинжилгээний хариуг мэдээлллээ.
Уг мэдээлэлд "2020 оны 4 дүгээр сарын нэгэнд Сэлэнгэ аймгийн Зүүнхараа болон Дархан-Уул аймагт тусгаарлагдсан нийт хоёр хүний шинжилгээнээс коронавирус илрээгүй. Цэргийн төв эмнэлэгт тусгаарлагдаж байгаа Катараас ирсэн 43 хүнээс коронавирус илрээгүй гэв
Тандалтын зорилгоор цуглуулсан 81 сорьцод шинжилгээ хийхэд коронавирус илрээгүй.
ХӨСҮТ-д тусгаарлагдсан 110, Цэргийн төв эмнэлэгт тусгаарласан 58 хүний давтан шинжилгээнд коронавирус илрээгүй.
Дархан-Уул аймагт 11, Орхон аймагт 20, Сэлэнгэ аймагт тусгаарлагдсан хоёр хүний шинжилгээнд мөн коронавирус илрээгүй. Ингээд нийт 326 шинжилгээ хийсэн байна.
ХӨСҮТ-д шинжилгээ хийх тоног төхөөрөмжийн PCR аппаратын тоог нэгээр нэмсэн. Ингээд илүү олон шинжилгээ хийх нөхцөл бүрдэж байна. Өөрөөр хэлбэл, нийт иргэдээс цуглуулсан сорьц, тусгай үүргийн онгоцоор ирсэн хүмүүсээ болон давтан шинжилгээнүүдээ хийж хянах юм.
Үүний хажуугаар ЭМЯ хурдавчилсан оношлуур ашиглаж байгаа аж. Хамгийн үндсэн сүүлийн баталгаатай хариу PCR-аар буюу лабораторийн шинжилгээгээр гарна" гэсэн мэдээллийг өглөө.
0
0
0
0
0
0
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ETimes.mn хариуцлага хүлээхгүй.